aarzuon ke dhaDakte shahr jal kar rah gae — Ain Salam

آرزوؤں کے دھڑکتے شہر جل کر رہ گئے کیسے کیسے حشر خاموشی میں ڈھل کر رہ گئے خاطر خستہ کا اب کوئی نہیں پرسان حال کتنے دل داری کے عنوان تھے بدل کر رہ گئے اب کہاں عہد وفا کی پاسداری اب کہاں جو حقائق تھے وہ افسانوں میں ڈھل کر رہ گئے اب کہاں وہ ساحلوں سے سیر طوفان حیات اب تو وہ ساحل تلاطم میں بدل کر رہ گئے حاصل غم یا غم حاصل میسر کچھ نہیں زندگانی کے سبھی اسباب جل کر رہ گئے ہائے وہ غم جو بیاں کی حد میں آ سکتے نہ تھے قید اشک و آہ سے آگے نکل کر رہ گئے الاماں حالات کی محشر خرامی الاماں ڈگمگائے اس قدر گویا سنبھل کر رہ گئے رہ گیا ہوں ایک میں تنہا ہجوم برق میں ہم نوا سارے چمن کے ساتھ جل کر رہ گئے بن تو سکتے تھے وہ طوفان قیامت خیز بھی جو دھڑکتے ولولے اشکوں میں ڈھل کر رہ گئے ایک وہ ہیں ڈالتے ہیں ماہ و انجم پر کمند اور اک ہم ہیں کہ خوابوں سے بہل کر رہ گئے جن کو حاصل تھا زمانے میں سکون اضطراب اپنے ہی احساس کے شعلوں میں جل کر رہ گئے جن کی خاموشی تھی مشہور زمانہ اے سلامؔ آج ان کے منہ سے بھی شکوے نکل کر رہ گئے

आरज़ूओं के धड़कते शहर जल कर रह गए कैसे कैसे हश्र ख़ामोशी में ढल कर रह गए ख़ातिर-ए-ख़स्ता का अब कोई नहीं पुर्सान-ए-हाल कितने दिलदारी के उन्वान थे बदल कर रह गए अब कहाँ अहद-ए-वफ़ा की पासदारी अब कहाँ जो हक़ाएक़ थे वो अफ़्सानों में ढल कर रह गए अब कहाँ वो साहिलों से सैर-ए-तूफ़ान-ए-हयात अब तो वो साहिल तलातुम में बदल कर रह गए हासिल-ए-ग़म या ग़म-ए-हासिल मयस्सर कुछ नहीं ज़िंदगानी के सभी अस्बाब जल कर रह गए हाए वो ग़म जो बयाँ की हद में आ सकते न थे क़ैद-ए-अश्क-ओ-आह से आगे निकल कर रह गए अल-अमाँ हालात की महशर-ख़िरामी अल-अमाँ डगमगाए इस क़दर गोया सँभल कर रह गए रह गया हूँ एक मैं तन्हा हुजूम-ए-बर्क़ में हम-नवा सारे चमन के साथ जल कर रह गए बन तो सकते थे वो तूफ़ान-ए-क़यामत-ख़ेज़ भी जो धड़कते वलवले अश्कों में ढल कर रह गए एक वो हैं डालते हैं माह-ओ-अंजुम पर कमंद और इक हम हैं कि ख़्वाबों से बहल कर रह गए जिन को हासिल था ज़माने में सुकून-ए-इज़्तिराब अपने ही एहसास के शो'लों में जल कर रह गए जिन की ख़ामोशी थी मशहूर-ए-ज़माना ऐ 'सलाम' आज उन के मुँह से भी शिकवे निकल कर रह गए