baar-baar jiite hain baar-baar marte hain — Hanson Rehani
"baar-baar jiite hain baar-baar marte hain yuun vafaa ki duniyaa mein apne din guzarte hain aaj gesu-e-hasti ‘asr-e-nau ke shaane se utne hi ulajhte hain jis qadar sanvarte hain har qadam pe milte hain tegh-o-daar ke saae muzhda-e-mohabbat ham phir bhi ‘aam karte hain kis ko hosh rahtaa hai mai-kade mein hasti ke us dam aankh khulti hai jab nashe utarte hain kab nazar mein un ki hai farq-e-kaafir-o-din-daar jo tiri mohabbat kaa dam jahaan mein bharte hain abr-e-rahmat uThtaa hai jhuum jhuum kar paiham jis maqaam se bhi ham ahl-e-gham guzarte hain khaanqaah ke din bhi hain do-chaar zulmat se mai-kade mein raaton ko aaftaab ubharte hain shaikh aur barahman ke hathkanDe are tauba aadmi ko begaana aadmi se karte hain shikva-e-bahaaraan kyon kar rahe ho 'rehaani' khun-e-dil khapaane se gulsitaan nikharte hain"
بار بار جیتے ہیں بار بار مرتے ہیں یوں وفا کی دنیا میں اپنے دن گزرتے ہیں آج گیسوئے ہستی عصر نو کے شانے سے اتنے ہی الجھتے ہیں جس قدر سنورتے ہیں ہر قدم پہ ملتے ہیں تیغ و دار کے سائے مژدۂ محبت ہم پھر بھی عام کرتے ہیں کس کو ہوش رہتا ہے میکدے میں ہستی کے اس دم آنکھ کھلتی ہے جب نشے اترتے ہیں کب نظر میں ان کی ہے فرق کافر و دیندار جو تری محبت کا دم جہاں میں بھرتے ہیں ابر رحمت اٹھتا ہے جھوم جھوم کر پیہم جس مقام سے بھی ہم اہل غم گزرتے ہیں خانقاہ کے دن بھی ہیں دوچار ظلمت سے میکدے میں راتوں کو آفتاب ابھرتے ہیں شیخ اور برہمن کے ہتکھنڈے ارے توبہ آدمی کو بیگانہ آدمی سے کرتے ہیں شکوۂ بہاراں کیوں کر رہے ہو ریحانیؔ خون دل کھپانے سے گلستاں نکھرتے ہیں
बार-बार जीते हैं बार-बार मरते हैं यूँ वफ़ा की दुनिया में अपने दिन गुज़रते हैं आज गेसू-ए-हस्ती ‘अस्र-ए-नौ के शाने से उतने ही उलझते हैं जिस क़दर सँवरते हैं हर क़दम पे मिलते हैं तेग़-ओ-दार के साए मुज़्दा-ए-मोहब्बत हम फिर भी ‘आम करते हैं किस को होश रहता है मय-कदे में हस्ती के उस दम आँख खुलती है जब नशे उतरते हैं कब नज़र में उन की है फ़र्क़-ए-काफ़िर-ओ-दींदार जो तिरी मोहब्बत का दम जहाँ में भरते हैं अब्र-ए-रहमत उठता है झूम झूम कर पैहम जिस मक़ाम से भी हम अहल-ए-ग़म गुज़रते हैं ख़ानक़ाह के दिन भी हैं दो-चार ज़ुल्मत से मय-कदे में रातों को आफ़्ताब उभरते हैं शैख़ और बरहमन के हथकँडे अरे तौबा आदमी को बेगाना आदमी से करते हैं शिकवा-ए-बहाराँ क्यों कर रहे हो 'रेहानी' ख़ून-ए-दिल खपाने से गुल्सिताँ निखरते हैं
