bikhraa paDaa thaa jaa-ba-jaa kachraa vajud kaa — Danish Aziz
"bikhraa paDaa thaa jaa-ba-jaa kachraa vajud kaa ham chhoD aae us gali malba vajud kaa har roz maang maang ke letaa huun saans bhi baDhtaa hi jaa rahaa hai ye qarza vajud kaa kitni shikast-o-rekht hui kuchh nahin pataa mujh ko milaa nahin abhi qabza vajud kaa taaza havaa na raushni naa baam-o-dar na chhat mujh ko samajh na aa sakaa naqsha vajud kaa ik umr ho gai use khaali paDe hue bigDaa huaa hai is liye huliya vajud kaa kuchh kaDve ghunT chaahiyein har raat us ko ab yuun aur baDh gayaa hai ye kharcha vajud kaa mere sabab ye khaal-o-khad us ke bigaD gae suntaa huun subh shaam ye taana vajud kaa tum hi bataao kaise chalaa us kaa silsila mujh ko to mil sakaa nahin shajara vajud kaa ik sher-fahm shakhs ki khvaahish pe dosto lo ham ne likh diyaa hai ye nauha vajud kaa juun juun main sochtaa huun takhayyul mein us kaa lams kuchh aur baDhtaa jaataa hai nashsha vajud kaa meri to ek baat bhi suntaa nahin ye dil haathon mein ab nahin rahaa bachcha vajud kaa 'daanish' main tang aa gayaa is bad-mizaaj se sanbhle nahin sanbhaltaa hai ghussa vajud kaa"
بکھرا پڑا تھا جا بجا کچرا وجود کا ہم چھوڑ آئے اس گلی ملبہ وجود کا ہر روز مانگ مانگ کے لیتا ہوں سانس بھی بڑھتا ہی جا رہا ہے یہ قرضہ وجود کا کتنی شکست و ریخت ہوئی کچھ نہیں پتا مجھ کو ملا نہیں ابھی قبضہ وجود کا تازہ ہوا نہ روشنی نا بام و در نہ چھت مجھ کو سمجھ نہ آ سکا نقشہ وجود کا اک عمر ہو گئی اسے خالی پڑے ہوئے بگڑا ہوا ہے اس لیے حلیہ وجود کا کچھ کڑوے گھونٹ چاہئیں ہر رات اس کو اب یوں اور بڑھ گیا ہے یہ خرچہ وجود کا میرے سبب یہ خال و خد اس کے بگڑ گئے سنتا ہوں صبح شام یہ طعنہ وجود کا تم ہی بتاؤ کیسے چلا اس کا سلسلہ مجھ کو تو مل سکا نہیں شجرہ وجود کا اک شعر فہم شخص کی خواہش پہ دوستو لو ہم نے لکھ دیا ہے یہ نوحہ وجود کا جوں جوں میں سوچتا ہوں تخیل میں اس کا لمس کچھ اور بڑھتا جاتا ہے نشہ وجود کا میری تو ایک بات بھی سنتا نہیں یہ دل ہاتھوں میں اب نہیں رہا بچہ وجود کا دانشؔ میں تنگ آ گیا اس بد مزاج سے سنبھلے نہیں سنبھلتا ہے غصہ وجود کا
बिखरा पड़ा था जा-ब-जा कचरा वजूद का हम छोड़ आए उस गली मलबा वजूद का हर रोज़ माँग माँग के लेता हूँ साँस भी बढ़ता ही जा रहा है ये क़र्ज़ा वजूद का कितनी शिकस्त-ओ-रेख़्त हुई कुछ नहीं पता मुझ को मिला नहीं अभी क़ब्ज़ा वजूद का ताज़ा हवा न रौशनी ना बाम-ओ-दर न छत मुझ को समझ न आ सका नक़्शा वजूद का इक उम्र हो गई उसे ख़ाली पड़े हुए बिगड़ा हुआ है इस लिए हुलिया वजूद का कुछ कड़वे घूँट चाहिएँ हर रात उस को अब यूँ और बढ़ गया है ये ख़र्चा वजूद का मेरे सबब ये ख़ाल-ओ-ख़द उस के बिगड़ गए सुनता हूँ सुब्ह शाम ये ता'ना वजूद का तुम ही बताओ कैसे चला उस का सिलसिला मुझ को तो मिल सका नहीं शजरा वजूद का इक शे'र-फ़हम शख़्स की ख़्वाहिश पे दोस्तो लो हम ने लिख दिया है ये नौहा वजूद का जूँ जूँ मैं सोचता हूँ तख़य्युल में उस का लम्स कुछ और बढ़ता जाता है नश्शा वजूद का मेरी तो एक बात भी सुनता नहीं ये दिल हाथों में अब नहीं रहा बच्चा वजूद का 'दानिश' मैं तंग आ गया इस बद-मिज़ाज से सँभले नहीं सँभलता है ग़ुस्सा वजूद का
