dil mein mire armaan bahut hain — Raees Rampuri

"apni aankhein hain aur tumhaare khvaab kitne pur-kaif hain hamaare khvaab un ke haq mein baDaa sahaaraa hain dekhte hain jo be-sahaare khvaab haasil-e-zindagi jinhein kahiye kuchh hamaare hain kuchh tumhaare khvaab yunhi bante bigaDte rahte hain gardish-e-vaqt ke sahaare khvaab haan na TuuTe tilism-e-khush-fahmi yunhi dekho 'rais' pyaare khvaab"

"khud apni zillat-o-khvaari na karnaa kisi kam-zarf se yaari na karnaa agar tum shaad rahnaa chaahte ho kisi ki bhi dil-aazaari na karnaa agar taufiq ho sach bolne ki to apni bhi taraf-daari na karnaa tumhein ham jaante pahchaante hain kabhi ham se adaakaari na karnaa kisi ke saath kar lenaa ibaadat har ik ke saath mai-khvaari na karnaa na gir jaanaa 'rais' apni nazar se kabhi tauhin-e-khuddaari na karnaa"

"kyaa kahein ye jabr kaisaa zindagi ke saath hai ham kisi ke saath hain aur dil kisi ke saath hai zinda rakhne ki rivaayat aastin ke saanp ki ik na ik hamdard bhi har aadmi ke saath hai apni apni maslahat hai apnaa apnaa hai mafaad varna is duniyaa mein kab koi kisi ke saath hai ho chuki hain mushkilaat-e-raah sab par aashkaar ab jo mere saath hai apni khushi ke saath vaza-daari ki qasam hai shahr mein bas ik 'rais' dekhiye jab bhi use zinda-dili ke saath hai"

"jaise koi rabt nahin ho jaise hon anjaane log kyaa se kyaa ho jaate hain aksar jaane-pahchaane log munh se baat nikalte hi sau gaDh leinge afsaane log baiThe-baiThe bun lete hain kaise taane-baane log dair-o-haram hi se duniyaa ko hosh ki raahein milti hain dair-o-haram ke naam pe hi ban jaate hain divaane log koi unhein bhi to samjhaae koi kuchh un se bhi kahe jab dekho tab aa jaate hain mujh ko hi samjhaane log hazrat-e-zaahid samjhaa dein to tauba kar luun main bhi 'rais' baadal kyon chhaa jaate hain jab jaate hain maikhaane log"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"

"jaagte hi nazar akhbaar mein kho jaati hai zindagi dard ke ambaar mein kho jaati hai naa-khudaa aql ke patvaar uThaataa hai ki jab kashti-e-dil miri manjdhaar mein kho jaati hai be-sabab sochne vaale kabhi sochaa tu ne aagahi kasrat-e-afkaar mein kho jaati hai uDte rahte hain khayaalaat ke jugnu phir bhi baat kyuun parda-e-izhaar mein kho jaati hai us ke kaamon kaa hai rangin khushaamad pe madaar aur mehnat miri isaar mein kho jaati hai hurmat-e-parda zaruri hai 'ataa-ji' varna chiiz jaisi bhi ho baazaar mein kho jaati hai"

"kisi ki mehrbaani ho gai hai ayaan dil ki kahaani ho gai hai hare mausam ki pahli khvaahishein uf khushi gham ki divaani ho gai hai sabhi afraad ghar ke so gae hain bahut lambi kahaani ho gai hai rivaayat kaa hai ab bhi sahar qaaem har ik jiddat puraani ho gai hai pas-e-chehra milaa ik aur chehra 'aqidat paani paani ho gai hai"