honkte dasht mein ik gham kaa samundar dekho — Abdul Hafiz Naeemi
"honkte dasht mein ik gham kaa samundar dekho tum kisi roz agar dil mein utar kar dekho niklo saDkon pe to hansti hui laashon se milo band aankhein jo karo qatl kaa manzar dekho aanch qurbat ki na pighlaa de kahin taar-e-nazar shola-e-husn ko kuchh duur se bach kar dekho ye to kahte ho ki khud main ne kaTaai gardan koi haathon mein havaa ke bhi to khanjar dekho aastinein to kahin chupke se dho lo yaaro ho kisi ko na shubah qatl kaa tum par dekho dar o divaar se uThte hain ye shole kaise dosto chal ke zaraa ghar ke to andar dekho haDDiyaan gal chukin ab to na ukheDo un ko DhunD lein phir ye nayaa koi na paikar dekho main bhi is safha-e-hasti pe ubhar saktaa huun rang to tum miri tasvir mein bhar kar dekho ab to khilti hui kaliyon mein na DhunDo mujh ko raakh hote hue ik shole kaa manzar dekho pheink do TuuTi ummidon ke ye TukDe baahar dil mein rah jaae kirich koi na gaD kar dekho liye aaina vafaaon kaa kahaan phirte ho hon na haathon mein kahin andhon ke patthar dekho ek muddat se hai logon ko 'naimi' ki talaash qasr-e-tanhaai ki divaarein giraa kar dekho"
ہونکتے دشت میں اک غم کا سمندر دیکھو تم کسی روز اگر دل میں اتر کر دیکھو نکلو سڑکوں پہ تو ہنستی ہوئی لاشوں سے ملو بند آنکھیں جو کرو قتل کا منظر دیکھو آنچ قربت کی نہ پگھلا دے کہیں تار نظر شعلۂ حسن کو کچھ دور سے بچ کر دیکھو یہ تو کہتے ہو کہ خود میں نے کٹائی گردن کوئی ہاتھوں میں ہوا کے بھی تو خنجر دیکھو آستینیں تو کہیں چپکے سے دھو لو یارو ہو کسی کو نہ شبہ قتل کا تم پر دیکھو در و دیوار سے اٹھتے ہیں یہ شعلے کیسے دوستو چل کے ذرا گھر کے تو اندر دیکھو ہڈیاں گل چکیں اب تو نہ اکھیڑو ان کو ڈھونڈ لیں پھر یہ نیا کوئی نہ پیکر دیکھو میں بھی اس صفحۂ ہستی پہ ابھر سکتا ہوں رنگ تو تم مری تصویر میں بھر کر دیکھو اب تو کھلتی ہوئی کلیوں میں نہ ڈھونڈو مجھ کو راکھ ہوتے ہوئے اک شعلے کا منظر دیکھو پھینک دو ٹوٹی امیدوں کے یہ ٹکڑے باہر دل میں رہ جائے کرچ کوئی نہ گڑ کر دیکھو لیے آئینہ وفاؤں کا کہاں پھرتے ہو ہوں نہ ہاتھوں میں کہیں اندھوں کے پتھر دیکھو ایک مدت سے ہے لوگوں کو نعیمیؔ کی تلاش قصر تنہائی کی دیواریں گرا کر دیکھو
होंकते दश्त में इक ग़म का समुंदर देखो तुम किसी रोज़ अगर दिल में उतर कर देखो निकलो सड़कों पे तो हँसती हुई लाशों से मिलो बंद आँखें जो करो क़त्ल का मंज़र देखो आँच क़ुर्बत की न पिघला दे कहीं तार-ए-नज़र शोला-ए-हुस्न को कुछ दूर से बच कर देखो ये तो कहते हो कि ख़ुद मैं ने कटाई गर्दन कोई हाथों में हवा के भी तो ख़ंजर देखो आस्तीनें तो कहीं चुपके से धो लो यारो हो किसी को न शुबह क़त्ल का तुम पर देखो दर ओ दीवार से उठते हैं ये शोले कैसे दोस्तो चल के ज़रा घर के तो अंदर देखो हड्डियाँ गल चुकीं अब तो न उखेड़ो उन को ढूँड लें फिर ये नया कोई न पैकर देखो मैं भी इस सफ़्हा-ए-हस्ती पे उभर सकता हूँ रंग तो तुम मिरी तस्वीर में भर कर देखो अब तो खिलती हुई कलियों में न ढूँडो मुझ को राख होते हुए इक शोले का मंज़र देखो फेंक दो टूटी उम्मीदों के ये टुकड़े बाहर दिल में रह जाए किरिच कोई न गड़ कर देखो लिए आईना वफ़ाओं का कहाँ फिरते हो हों न हाथों में कहीं अँधों के पत्थर देखो एक मुद्दत से है लोगों को 'नईमी' की तलाश क़स्र-ए-तन्हाई की दीवारें गिरा कर देखो
