maanaa vo ek khvaab thaa dhokaa nazar kaa thaa — Rasheed Qaisrani
"maanaa vo ek khvaab thaa dhokaa nazar kaa thaa us bevafaa se rabt magar umr-bhar kaa thaa khushbu ki chand mast lakirein ubhaar kar lauTaa udhar havaa kaa vo jhonkaa jidhar kaa thaa niklaa vo baar baar ghaTaaon ki oT se us se muaamlaa to faqat ik nazar kaa thaa tum muskuraa rahe the to shab saath saath thi aansu gire the jis pe vo daaman sahar kaa thaa ham aaj bhi khud apne hi saae mein ghir gae sar mein hamaare aaj bhi saudaa safar kaa thaa sahraa ke sar ki maang hai ab tak vo ik lakir haasil jise ghurur tiri rahguzar kaa thaa kaali kiran ye gung sadaaon ke daaere pahunchaa kahaan 'rashid' iraada kidhar kaa thaa"
مانا وہ ایک خواب تھا دھوکا نظر کا تھا اس بے وفا سے ربط مگر عمر بھر کا تھا خوشبو کی چند مست لکیریں ابھار کر لوٹا ادھر ہوا کا وہ جھونکا جدھر کا تھا نکلا وہ بار بار گھٹاؤں کی اوٹ سے اس سے معاملہ تو فقط اک نظر کا تھا تم مسکرا رہے تھے تو شب ساتھ ساتھ تھی آنسو گرے تھے جس پہ وہ دامن سحر کا تھا ہم آج بھی خود اپنے ہی سائے میں گھر گئے سر میں ہمارے آج بھی سودا سفر کا تھا صحرا کے سر کی مانگ ہے اب تک وہ اک لکیر حاصل جسے غرور تری رہ گزر کا تھا کالی کرن یہ گنگ صداؤں کے دائرے پہنچا کہاں رشیدؔ ارادہ کدھر کا تھا
माना वो एक ख़्वाब था धोका नज़र का था उस बेवफ़ा से रब्त मगर उम्र-भर का था ख़ुश्बू की चंद मस्त लकीरें उभार कर लौटा उधर हवा का वो झोंका जिधर का था निकला वो बार बार घटाओं की ओट से उस से मुआमला तो फ़क़त इक नज़र का था तुम मुस्कुरा रहे थे तो शब साथ साथ थी आँसू गिरे थे जिस पे वो दामन सहर का था हम आज भी ख़ुद अपने ही साए में घिर गए सर में हमारे आज भी सौदा सफ़र का था सहरा के सर की माँग है अब तक वो इक लकीर हासिल जिसे ग़ुरूर तिरी रहगुज़र का था काली किरन ये गुंग सदाओं के दाएरे पहुँचा कहाँ 'रशीद' इरादा किधर का था
