raah-e-sitam mein soz-e-jigar kaise chhoD dein — Irfan Siddiqi
"raah-e-sitam mein soz-e-jigar kaise chhoD dein lambaa safar hai zaad-e-safar kaise chhoD dein aandhi mein chhoDte hain kahin aashiyaan parind ham is havaa ke khauf se ghar kaise chhoD dein chandan ke ban mein saanp nikalte hi rahte hain is Dar se khushbuon ke shajar kaise chhoD dein jab kuchh na thaa to ham ne diyaa thaa zamin ko khuun ab fasl pak chuki to samar kaise chhoD dein ai dil vo dekh khema-e-fardaa qarib hai tujh ko fasil-e-shab ke idhar kaise chhoD dein maanaa ki ek 'umr se Thahri hui hai raat insaan hain umid-e-sahar kaise chhoD dein"
راہ ستم میں سوز جگر کیسے چھوڑ دیں لمبا سفر ہے زاد سفر کیسے چھوڑ دیں آندھی میں چھوڑتے ہیں کہیں آشیاں پرند ہم اس ہوا کے خوف سے گھر کیسے چھوڑ دیں چندن کے بن میں سانپ نکلتے ہی رہتے ہیں اس ڈر سے خوشبوؤں کے شجر کیسے چھوڑ دیں جب کچھ نہ تھا تو ہم نے دیا تھا زمیں کو خوں اب فصل پک چکی تو ثمر کیسے چھوڑ دیں اے دل وہ دیکھ خیمۂ فردا قریب ہے تجھ کو فصیل شب کے ادھر کیسے چھوڑ دیں مانا کہ ایک عمر سے ٹھہری ہوئی ہے رات انسان ہیں امید سحر کیسے چھوڑ دیں
राह-ए-सितम में सोज़-ए-जिगर कैसे छोड़ दें लम्बा सफ़र है ज़ाद-ए-सफ़र कैसे छोड़ दें आँधी में छोड़ते हैं कहीं आशियाँ परिंद हम इस हवा के ख़ौफ़ से घर कैसे छोड़ दें चंदन के बन में साँप निकलते ही रहते हैं इस डर से ख़ुशबुओं के शजर कैसे छोड़ दें जब कुछ न था तो हम ने दिया था ज़मीं को ख़ूँ अब फ़स्ल पक चुकी तो समर कैसे छोड़ दें ऐ दिल वो देख ख़ेमा-ए-फ़र्दा क़रीब है तुझ को फ़सील-ए-शब के इधर कैसे छोड़ दें माना कि एक 'उम्र से ठहरी हुई है रात इंसान हैं उमीद-ए-सहर कैसे छोड़ दें
