shahr-e-jaan par jo tiri yaad kaa lashkar TuuTaa — Ali Minai
"shahr-e-jaan par jo tiri yaad kaa lashkar TuuTaa ek hamle mein hisaar-e-dil-e-khud-sar TuuTaa jaise ik barq si lahraai pas-e-parda-e-abr jaise ik chaand sar-e-shaakh-e-sanobar TuuTaa aa gayaa taa ba girebaan-e-shafaq dast-e-sahaab baam-e-aflaak pe naahid kaa mehvar TuuTaa mere saaghar mein utar aaya kisi shaam kaa aks meri aankhon mein kisi husn kaa nashtar TuuTaa dil ki gahraai mein phir jaag uThaa shoala-e-dard munjamid thaa jo mire gham kaa samundar TuuTaa dasht-e-ayyaam se lauTi kisi ehsaas ki guunj maabad-e-jaan mein kisi vahm kaa paikar TuuTaa phir pur-asraar yakaa yak hui khaamoshi-e-shab phir koi jaam kisi haath se gir kar TuuTaa kaasni dhuup ke aansu miri aankhon se bahe jaise ik mahr-e-darakhshaan mire andar TuuTaa ghul machaate hue rangon ke parinde nikle sang-e-hairat se jab aaina-e-manzar TuuTaa gumbad-e-gosh mein gunji phir ik aavaaz-e-shikast kyaa khabar ye miraa dil TuuTaa ki saaghar TuuTaa"
شہر جاں پر جو تری یاد کا لشکر ٹوٹا ایک حملے میں حصار دل خود سر ٹوٹا جیسے اک برق سی لہرائی پس پردۂ ابر جیسے اک چاند سر شاخ صنوبر ٹوٹا آ گیا تا بہ گریبان شفق دست سحاب بام افلاک پہ ناہید کا محور ٹوٹا میرے ساغر میں اتر آیا کسی شام کا عکس میری آنکھوں میں کسی حسن کا نشتر ٹوٹا دل کی گہرائی میں پھر جاگ اٹھا شعلۂ درد منجمد تھا جو مرے غم کا سمندر ٹوٹا دشت ایام سے لوٹی کسی احساس کی گونج معبد جاں میں کسی وہم کا پیکر ٹوٹا پھر پر اسرار یکا یک ہوئی خاموشیٔ شب پھر کوئی جام کسی ہاتھ سے گر کر ٹوٹا کاسنی دھوپ کے آنسو مری آنکھوں سے بہے جیسے اک مہر درخشاں مرے اندر ٹوٹا غل مچاتے ہوئے رنگوں کے پرندے نکلے سنگ حیرت سے جب آئینہ منظر ٹوٹا گنبد گوش میں گونجی پھر اک آواز شکست کیا خبر یہ مرا دل ٹوٹا کہ ساغر ٹوٹا
शहर-ए-जाँ पर जो तिरी याद का लश्कर टूटा एक हमले में हिसार-ए-दिल-ए-ख़ुद-सर टूटा जैसे इक बर्क़ सी लहराई पस-ए-पर्दा-ए-अब्र जैसे इक चाँद सर-ए-शाख़-ए-सनोबर टूटा आ गया ता ब गिरेबान-ए-शफ़क़ दस्त-ए-सहाब बाम-ए-अफ़्लाक पे नाहीद का महवर टूटा मेरे साग़र में उतर आया किसी शाम का अक्स मेरी आँखों में किसी हुस्न का नश्तर टूटा दिल की गहराई में फिर जाग उठा शो'ला-ए-दर्द मुंजमिद था जो मिरे ग़म का समुंदर टूटा दश्त-ए-अय्याम से लौटी किसी एहसास की गूँज मा'बद-ए-जाँ में किसी वहम का पैकर टूटा फिर पुर-असरार यका यक हुई ख़ामोशी-ए-शब फिर कोई जाम किसी हाथ से गिर कर टूटा कासनी धूप के आँसू मिरी आँखों से बहे जैसे इक महर-ए-दरख़्शाँ मिरे अंदर टूटा ग़ुल मचाते हुए रंगों के परिंदे निकले संग-ए-हैरत से जब आईना-ए-मंज़र टूटा गुम्बद-ए-गोश में गूँजी फिर इक आवाज़-ए-शिकस्त क्या ख़बर ये मिरा दिल टूटा कि साग़र टूटा
