vajud garche miraa khaak-e-mukhtasar se uThaa — Ahmad Musharraf Khawar
"vajud garche miraa khaak-e-mukhtasar se uThaa mah-o-nujum kaa halqa miri sharar se uThaa badal gayaa hai miri kisht-e-jaan kharaabe mein vo hashr jo ki tiri chashm-e-fitnagar se uThaa junun-e-shauq to har pal hai goyaa paa-ba-rikaab takaan kahti hai ab paaon ko safar se uThaa sharaab-e-vasl ki madhoshi hai rag-o-pai mein asir-e-zulf ko ab husn ke asar se uThaa na qata ki hai zarurat na ehtiyaaj-e-qafas yaqin hi jo parinde kaa baal-o-par se uThaa mah-o-nujum mire bakht par the rashk-kunaan ghubaar ban ke main jab teri rah-guzar se uThaa savaal-e-nazr-e-karam kyaa ki teri diid ke baad main be-muraad kahaan tere sang-e-dar se uThaa laraz ke rah gayaa qaatil bhi chand saaat ko jab irtiaash mire jism-e-be-asar se uThaa tamaam umr rahi us ki justuju 'khaavar' jo dard ban ke kabhi dil kabhi jigar se uThaa"
وجود گرچہ مرا خاک مختصر سے اٹھا مہہ و نجوم کا حلقہ مری شرر سے اٹھا بدل گیا ہے مری کشت جاں خرابے میں وہ حشر جو کہ تری چشم فتنہ گر سے اٹھا جنون شوق تو ہر پل ہے گویا پا بہ رکاب تکان کہتی ہے اب پاؤں کو سفر سے اٹھا شراب وصل کی مدہوشی ہے رگ و پے میں اسیر زلف کو اب حسن کے اثر سے اٹھا نہ قطع کی ہے ضرورت نہ احتیاج قفس یقین ہی جو پرندے کا بال و پر سے اٹھا مہہ و نجوم مرے بخت پر تھے رشک کناں غبار بن کے میں جب تیری رہگزر سے اٹھا سوال نذر کرم کیا کہ تیری دید کے بعد میں بے مراد کہاں تیرے سنگ در سے اٹھا لرز کے رہ گیا قاتل بھی چند ساعت کو جب ارتعاش مرے جسم بے اثر سے اٹھا تمام عمر رہی اس کی جستجو خاورؔ جو درد بن کے کبھی دل کبھی جگر سے اٹھا
वजूद गरचे मिरा ख़ाक-ए-मुख़्तसर से उठा मह-ओ-नुजूम का हल्क़ा मिरी शरर से उठा बदल गया है मिरी किश्त-ए-जाँ ख़राबे में वो हश्र जो कि तिरी चश्म-ए-फ़ित्नागर से उठा जुनून-ए-शौक़ तो हर पल है गोया पा-ब-रिकाब तकान कहती है अब पावँ को सफ़र से उठा शराब-ए-वस्ल की मद-होशी है रग-ओ-पै में असीर-ए-ज़ुल्फ़ को अब हुस्न के असर से उठा न क़त्अ की है ज़रूरत न एहतियाज-ए-क़फ़स यक़ीन ही जो परिंदे का बाल-ओ-पर से उठा मह-ओ-नुजूम मिरे बख़्त पर थे रशक-कुनां ग़ुबार बन के मैं जब तेरी रह-गुज़र से उठा सवाल-ए-नज़्र-ए-करम क्या कि तेरी दीद के बा'द मैं बे-मुराद कहाँ तेरे संग-ए-दर से उठा लरज़ के रह गया क़ातिल भी चंद साअ'त को जब इर्तिआ'श मिरे जिस्म-ए-बे-असर से उठा तमाम उम्र रही उस की जुस्तुजू 'ख़ावर' जो दर्द बन के कभी दिल कभी जिगर से उठा
