vasf-e-jamaal-e-zauq hai ahl-e-nigaah kaa — Natiq Gulavthi
"vasf-e-jamaal-e-zauq hai ahl-e-nigaah kaa hairat kahun ki shor kahun vaah vaah kaa ahl-e-junun pe zulm hai paabandi-e-rusum jaada hamaare vaaste kaanTaa hai raah kaa rakhtaa hai talkh-kaam gham-e-lazzat-e-jahaan kyaa kijiye ki lutf nahin kuchh gunaah kaa kyaa kuchh janaab-e-shaikh ki niyyat se thaa baiid mauqaa bhi dukht-e-raz ne diyaa ho gunaah kaa ai barq kab se ik nazar-e-garm ke liye aatash-bajaan hai dasht mein tinkaa giyaah kaa hangaama-e-hayaat se lenaa to kuchh nahin haan dekhte chalo ki tamaashaa hai raah kaa main haasil-e-nazar huun tamannaa-e-did mein letaa huun kaam har bun-e-mu se nigaah kaa 'naatiq' gila-pasand hai tu gham-jafaa-pasand ai daad-khvaah kaam hai be-daad-khvaah kaa"
وصف جمال ذوق ہے اہل نگاہ کا حیرت کہوں کہ شور کہوں واہ واہ کا اہل جنوں پہ ظلم ہے پابندیٔ رسوم جادہ ہمارے واسطے کانٹا ہے راہ کا رکھتا ہے تلخ کام غم لذت جہاں کیا کیجئے کہ لطف نہیں کچھ گناہ کا کیا کچھ جناب شیخ کی نیت سے تھا بعید موقع بھی دخت رز نے دیا ہو گناہ کا اے برق کب سے اک نظر گرم کے لئے آتش بجاں ہے دشت میں تنکا گیاہ کا ہنگامۂ حیات سے لینا تو کچھ نہیں ہاں دیکھتے چلو کہ تماشا ہے راہ کا میں حاصل نظر ہوں تمنائے دید میں لیتا ہوں کام ہر بن مو سے نگاہ کا ناطقؔ گلہ پسند ہے تو غم جفا پسند اے داد خواہ کام ہے بیداد خواہ کا
वस्फ़-ए-जमाल-ए-ज़ौक़ है अहल-ए-निगाह का हैरत कहूँ कि शोर कहूँ वाह वाह का अहल-ए-जुनूँ पे ज़ुल्म है पाबंदी-ए-रुसूम जादा हमारे वास्ते काँटा है राह का रखता है तल्ख़-काम ग़म-ए-लज़्ज़त-ए-जहाँ क्या कीजिए कि लुत्फ़ नहीं कुछ गुनाह का क्या कुछ जनाब-ए-शैख़ की निय्यत से था बईद मौक़ा भी दुख़्त-ए-रज़ ने दिया हो गुनाह का ऐ बर्क़ कब से इक नज़र-ए-गर्म के लिए आतश-बजाँ है दश्त में तिनका गियाह का हंगामा-ए-हयात से लेना तो कुछ नहीं हाँ देखते चलो कि तमाशा है राह का मैं हासिल-ए-नज़र हूँ तमन्ना-ए-दीद में लेता हूँ काम हर बुन-ए-मू से निगाह का 'नातिक़' गिला-पसंद है तू ग़म-जफ़ा-पसंद ऐ दाद-ख़्वाह काम है बे-दाद-ख़्वाह का