vo jis ki daastaan phaili dil-e-divaana meraa thaa — Arsh Siddiqui
"vo jis ki daastaan phaili dil-e-divaana meraa thaa zabaanein dushmanon ki thiin magar afsaana meraa thaa taDaptaa huun ki ik saaghar kisi haatim se mil jaae zavaal-e-aasmaan dekho kabhi mai-khaana meraa thaa balaa ki khaamushi taari thi har-su teri haibat se sar-e-mahfil jo gunjaa naara-e-mastaana meraa thaa kaTe yuun to hazaaron sar vafaa ki karbalaaon mein tire neze pe jo ubhraa sar-e-shaahaana meraa thaa faqih-e-shahr ko samjho ki ham pakDe gae naahaq sharaabein sab usi ki thiin bas ik paimaana meraa thaa banaa hai 'arsh' vo munsif to phir ye bhi kabhi dekhe huaa hai band jo mujh par vahi viraana meraa thaa"
وہ جس کی داستاں پھیلی دل دیوانہ میرا تھا زبانیں دشمنوں کی تھیں مگر افسانہ میرا تھا تڑپتا ہوں کہ اک ساغر کسی حاتم سے مل جائے زوال آسماں دیکھو کبھی مے خانہ میرا تھا بلا کی خامشی طاری تھی ہر سو تیری ہیبت سے سر محفل جو گونجا نعرۂ مستانہ میرا تھا کٹے یوں تو ہزاروں سر وفا کی کربلاؤں میں ترے نیزے پہ جو ابھرا سر شاہانہ میرا تھا فقیہ شہر کو سمجھو کہ ہم پکڑے گئے ناحق شرابیں سب اسی کی تھیں بس اک پیمانہ میرا تھا بنا ہے عرشؔ وہ منصف تو پھر یہ بھی کبھی دیکھے ہوا ہے بند جو مجھ پر وہی ویرانہ میرا تھا
वो जिस की दास्ताँ फैली दिल-ए-दीवाना मेरा था ज़बानें दुश्मनों की थीं मगर अफ़्साना मेरा था तड़पता हूँ कि इक साग़र किसी हातिम से मिल जाए ज़वाल-ए-आसमाँ देखो कभी मय-ख़ाना मेरा था बला की ख़ामुशी तारी थी हर-सू तेरी हैबत से सर-ए-महफ़िल जो गूँजा नारा-ए-मस्ताना मेरा था कटे यूँ तो हज़ारों सर वफ़ा की कर्बलाओं में तिरे नेज़े पे जो उभरा सर-ए-शाहाना मेरा था फ़क़ीह-ए-शहर को समझो कि हम पकड़े गए नाहक़ शराबें सब उसी की थीं बस इक पैमाना मेरा था बना है 'अर्श' वो मुंसिफ़ तो फिर ये भी कभी देखे हुआ है बंद जो मुझ पर वही वीराना मेरा था
