Ghazal

har uzv musaafir hai nahin kuchh safari aankh

hai aakhir-e-shab umr charaagh-e-sahari aankh

kyaa karti hai dilkash sukhan ai rashk-e-pari aankh

lo siikh gai tarz-e-kalaam-e-bashri aankh

· · ·

jo khaas bande hain vo banda-e-avaam nahin

hazaar baar jo yusuf bike ghulaam nahin

bhalaa ho kyaa dil-e-zaahid mein soz-e-ulfat-e-haq

kabhi jalaane ke qaabil charaagh-e-khaam nahin

· · ·

chalaa hai o dil-e-raahat-talab kyaa shaadmaan ho kar

zamin-e-ku-e-jaanaan ranj degi aasmaan ho kar

kiyaa viraan chaman ko aae ho kyaa bostaan ho kar

hue gul paani paani ye chali aab-e-ravaan ho kar

· · ·

nahin kaTtaa hai ye maidaan-e-balaa

vaadi-e-khizr bayaabaan-e-balaa

mustaid zulf miri ranj pe hai

hai muhayyaa sar-o-saamaan-e-balaa

· · ·

mere naalon se tah-o-baalaa hui aksar zamin

zer-e-paa aayaa falak aur baarhaa sar par zamin

hai dayaar-e-maah-ru kaa bas yahi qaasid nishaan

aasmaan tujh ko nazar aaegi vaan ki sar-zamin

· · ·

tire rukh kaa kise saudaa nahin hai

gul-e-laala talak sahraa-nashin hai

phiraa hai aap vo mah-ru hamaaraa

tiraa ai aasmaan shikva nahin hai

· · ·

ek aalam ne jubba-saai ki

ai buto tum ne bhi khudaai ki

aashiqon ke lahu ki pyaasi hain

machhliyaan us kaf-e-hinaai ki

· · ·

baat kaa apni na jab paayaa javaab

ham ye samjhe vo dahan hai laa-javaab

baatein sunvaain lab-e-khaamosh ne

varna ham dete use kyaa kyaa javaab

· · ·

sar miraa kaaT ke pachhtaaiyegaa

kis ki phir jhuTi qasam khaaiyegaa

thaam luun dil ko zaraa haathon se

abhi pahlu se na uTh jaaiyegaa

· · ·

jiite ji bas vo but rahaa hamraah

ab to bande ke hai khudaa hamraah

dil diyaa us ko par ye Dartaa huun

dushman ik dost ke kiyaa hamraah

· · ·

tiri taraf se dil ai jaan-e-jaan uThaa na sake

bahut zaiif the baar-e-garaan uThaa na sake

hazaar baar bahaar aai lekin ai sayyaad

nigaah ham taraf-e-bostaan uThaa na sake

· · ·

tegh-e-uryaan pe tumhaari jo paDi meri aankh

chashm-e-jauhar se aji khuub laDi meri aankh

na haTi peT par us ke jo paDi meri aankh

ban gai naaf-e-shikam aise aDi meri aankh

· · ·

ezaar-e-yaar pe zulf-e-siyaah-faam nahin

magar ye hashr kaa din hai ki jis ki shaam nahin

firaaq-e-yaar mein dono se ham ko kaam nahin

havas sahar ki nahin aarzu-e-shaam nahin

· · ·

abr kyaa ghir ghir ke aayaa khul gayaa

bas sabaat-e-bahr-e-duniyaa khul gayaa

raaz-e-dil kitnaa chhupaayaa khul gayaa

haal is daulat-saraa kaa khul gayaa

· · ·

hai naqsh-e-diram jo naqsh-e-paa hai

aap aate to ghar diram-siraa hai

dil jalva tiraa dikhaa rahaa hai

shisha ye miraa pari-numaa hai

· · ·

hai ghalat gar tire daanton ko kahun taare hain

ki dahan mushaf-e-naatiq hai ye sipaare hain

apni hasti mein to aasaar-e-fanaa saare hain

shaam ko zarre hain aur subh ko ham taare hain

· · ·

dam-bhar jo na dekhe tujhe ai rashk-e-pari aankh

mizhgaan ki zabaanon se kare nauhagari aankh

jam jaae tasavvur jo tire buuTe se qad kaa

pathraa ke bane saaf aqiq-e-shajari aankh

· · ·

chhaantaa hai khaak kyaa tu ghar banaane ke liye

fikr rahne ki na kar aayaa hai jaane ke liye

aur ko kyaa ranj duun raahat uThaane ke liye

ek tinke ko na chheDun aashiyaane ke liye

· · ·

aashiq-e-zulf-o-rukh-e-dildaar aankhein ho gaiin

mubtilaa-e-kaafir-o-dindaar aankhein ho gaiin

surkh palkein ho gaiin khun-baar aankhein ho gaiin

dekh lo ab zakhm-e-daaman-daar aankhein ho gaiin

· · ·

chale but-khaane ko khudaa-haafiz

tum bhi zaahid kaho khudaa-haafiz

tere kuche se pech uThaa ke chale

gesu-e-mushkbu khudaa-haafiz

· · ·

khudaa-numaa hai but-e-sang-e-aastaana-e-ishq

chalungaa paa-e-nigah ban ke su-e-khaana-e-ishq

na kam hon sikka-e-daagh-e-dil-e-yagaana-e-ishq

bharaa paDaa rahe yaarab sadaa khazaana-e-ishq

· · ·

tangi-e-dahan se hai aDi baat

chhoTaa saa hai munh tiraa baDi baat

kyaa charb-zabaan vo shoala-ru hai

lab tak aa kar phisal paDi baat

· · ·

main saraapaa mazhar-e-ism-e-khudaa vallaah huun

ham-safiro is chaman mein murgh-e-bismillaah huun

kis taraf jaaun dikhaa do yaa mohamaad raah-e-haq

yaan har ik gumraah kahtaa hai main khizr-e-raah huun

· · ·

gauhar-e-ashk se labrez hai saaraa daaman

aaj-kal daaman-e-daulat hai hamaaraa daaman

ai junun baad-e-bahaari se nahin jumbish mein

kuchh garebaan se kartaa hai ishaaraa daaman

· · ·