Ghazal
The lyric art form of Urdu poetry — every sher a universe of longing, love, and philosophy
Featured Poets
All Poets →
Trending Ghazals
Ehsaan Ghaman
jab par-e-parvaaz meraa aasmaan mein aa gayaa
ik parinda bhi saf-e-sayyaargaan mein aa gayaa
main pas-e-parda koi gumnaam saa kirdaar thaa
zikr meraa kaise teri daastaan mein aa gayaa
· · ·
Ehsaan Ghaman
ujaale milte bhalaa kaise raat kaaTne se
ki tirgi nahin ghaTti charaagh baanTne se
fazaa mein uDte parinde bhi samt bhuul gae
havaa mein girhein paDin aisi peD kaaTne se
· · ·
Ehsaan Ghaman
kab vo tanhaai ke aasaar se ghabraae hain
log to raunaq-e-baazaar se ghabraae hain
kaun kartaa hai bhalaa aabla-paai kaa gilaa
ham to bas raston ki raftaar se ghabraae hain
· · ·
Ehsaan Ghaman
ye jo ham surat-e-ashjaar mein ug aate hain
tum samajhte ho ki be-kaar mein ug aate hain
ham nahin dekhte zarkhez zaminon ki taraf
ham vo paude hain jo divaar mein ug aate hain
· · ·
Ehsaan Ghaman
main hairaan thaa manzar ki hairaani par
phuul khile the bahte hue jab paani par
mere kapDe dekh ke miTTi bol paDi
ghaas ugaao meri bhi uryaani par
· · ·
Ehsaan Ghaman
god mein panchhi to shaakhon pe samar rakhte hain
ye shajar maan ki tarah dast-e-hunar rakhte hain
chonch-bhar daane liye jaate hain bachchon ke liye
ye parinde bhi kahaan zaad-e-safar rakhte hain
· · ·
Ehsaan Ghaman
ye na samjho ki charaaghon se nikal jaaeinge
ham ujaale hain nai subh mein Dhal jaaeinge
yuun na baiThaa karo fōtpath pe mere yaaro
log guzreinge to pairon se kuchal jaaeinge
· · ·
Ehsaan Ghaman
ai mere shahr-e-ishq tiraa kaisaa bakht hai
main jis ko dekhtaa huun vahi lakht lakht hai
khush ho rahaa huun is liye miTTi pe baiTh kar
yaaro yahi zamin miraa pahlaa takht hai
· · ·
Ehsaan Ghaman
milaa hai kaisaa tire eatibaar kaa mausam
ki jaise chaaron taraf hai bahaar kaa mausam
utarti jaati hain kheton mein yaad ki chiDiyaan
nikhar rahaa hai mire sabza-zaar kaa mausam
· · ·