Ghazal

nashe mein huun magar aaluda-e-sharaab nahin

kharaab huun magar itnaa bhi main kharaab nahin

kahin bhi husn kaa chehraa tah-e-naqaab nahin

ye apnaa dida-e-dil hai ki be-hijaab nahin

· · ·

teraa khayaal hai dil-e-hairaan liye hue

yaa zarra aaftaab kaa saamaan liye hue

dekhaa unhein jo dida-e-hairaan liye hue

dil rah gayaa jaraahat-e-pinhaan liye hue

· · ·

kab is mein shak mujhe hai jo lazzat hai qaal mein

lekin vo baat is mein kahaan hai jo haal mein

dil hai miraa ki maarka-e-kufr-o-din koi

ik umr kaT gai hai javaab o savaal mein

· · ·

ik nazar hi dekhaa thaa shauq ne shabaab un kaa

din ko yaad hai un ki raat ko hai khvaab un kaa

gir gae nigaahon se phuul bhi sitaare bhi

main ne jab se dekhaa hai aalam-e-shabaab un kaa

· · ·

tiraa miTnaa dil-e-naashaad bahut yaad aaya

ye samaan raat bahut yaad bahut yaad aaya

aaj khushbu-e-gulistaan jo gulistaan se chali

vo jo thaa ik dil-e-barbaad bahut yaad aaya

· · ·

miri umr-e-ravaan hai aur main huun

ye jins-e-raaegaan hai aur main huun

gham-e-gum-gashtagaan hai aur main huun

ye dard-e-jaavedaan hai aur main huun

· · ·

mumkin nahin ki bazm-e-tarab phir sajaa sakun

ab ye bhi hai bahut ki tumhein yaad aa sakun

ye kyaa tilism hai ki tiri jalva-gaah se

nazdik aa sakun na kahin duur jaa sakun

· · ·

miri chashm-e-tamaashaa ab jahaan hai

tajalli kaarvaan dar kaarvaan hai

yaqin hai aakhiri manzil gumaan ki

yaqin ki aakhiri manzil gumaan hai

· · ·

dil kaa jahaan-e-tiraa chahak kar sanvar gayaa

jalva tiraa nazar se jo dil tak utar gayaa

muddat ke baa'd dil se phir ubhraa hai sail-e-ashk

main ye samajh rahaa thaa ye tufaan utar gayaa

· · ·

yuun ik sabaq-e-mehr-o-vafaa chhoD gae ham

har raah mein naqsh-e-kaf-e-paa chhoD gae ham

duniyaa tire qirtaas pe kyaa chhoD gae ham

ik husn-e-bayaan husn-e-adaa chhoD gae ham

· · ·

jab apne naghme na apni zabaan tak aae

tire huzur ham aa kar bahut hi pachhtaae

khayaal ban na sakaa naghma garche ham ne use

hazaar tarah ke malbus-e-lafz pahnaae

· · ·

jo dil kaa raaz be-aah-o-fughaan kahnaa hi paDtaa hai

to phir apne qafas ko aashiyaan kahnaa hi paDtaa hai

tujhe ai taair-e-shaakh-e-nasheman kyaa khabar is ki

kabhi sayyaad ko bhi baaghbaan kahnaa hi paDtaa hai

· · ·

main dil mein un ki yaad ke tufaan ko paal kar

laayaa huun ek mauj-e-taghazzul nikaal kar

paimaana-e-tarab mein kahin baal aa gayaa

main garche pi rahaa thaa bahut hi sambhaal kar

· · ·

ab main huun aap ek tamaashaa banaa huaa

guzraa ye kaun meri taraf dekhtaa huaa

kaif-e-gham-e-firaaq ki lazzat jise mili

haasil use visaal nahin hai to kyaa huaa

· · ·

phir lauT kar gae na kabhi dasht-o-dar se ham

nikle bas ek baar kuchh is tarah ghar se ham

kuchh duur tak chale hi gae be-khabar se ham

ai be-khudi-e-shauq ye guzre kidhar se ham

· · ·

khayaal-e-yaar jab aataa hai betaabaana aataa hai

ki jaise shama ki jaanib koi parvaana aataa hai

tasavvur is tarah aataa hai teraa mahfil-e-dil mein

mire haathon mein jaise khud ba-khud-paimaana aataa hai

· · ·

tamaam 'umr mire dil ko ye ghurur rahaa

ki ek lamhe ko ye bhi tire huzur rahaa

junun-e-dil ki hamesha khirad se duur rahaa

tire huzur rahaa jab to baa-shu'ur rahaa

· · ·

itnaa bhi shor tu na gham-e-sina chaak kar

ishq ik latif shola hai is ko na khaak kar

ai dil huzur-e-dost ba-sad ehtiraam jaa

daaman ko chaak kar na garebaan ko chaak kar

· · ·

ai dil-e-naadaan mataaa-e-kam-nigaahi par na jaa

aur bhi kuchh dekh jismon ki adaa hi par na jaa

dil mein jo poshida hai vo hasrat-e-taa'mir dekh

dekhne vaale mire dil ki tabaahi par na jaa

· · ·

muddat ho gai saaz-e-mohabbat khol de ab ye raaz

vo meri aavaaz hain baanhon mein un ki aavaaz

kitni manaazil tai kar aayaa meraa shauq-e-niyaaz

ai nazron se chhupne vaale ab to de aavaaz

· · ·

koi izhaar-e-gham-e-dil kaa bahaana bhi nahin

ho bahaana bhi jo koi to zamaana bhi nahin

zindagi tujh ko jo samjhaa huun to itnaa hi faqat

tu haqiqat bhi nahin aur fasaana bhi nahin

· · ·

jalva tiraa is tarah se naakaam na hotaa

ham tuur pe hote to ye anjaam na hotaa

suntaa main kahaan vaaiz-e-naadaan ki nasihat

gar vaaz-o-nasihat mein tiraa naam na hotaa

· · ·

auj-e-kamaal-e-sher hai hamd-o-sanaa-giri

mujh ko sikhaa gai hai yahi kuchh sukhanvari

is daur-e-fitna-gar mein miri ek baat sun

sab kuchh hai sulh hech hai ye jang-o-daavari

· · ·