Ghazal

"kaho dair-o-haram yaa naam apnaa aastaan rakh do sar-e-taslim kham hai tum jahaan chaaho vahaan rakh do ghaTaa kar qaid-e-aazaadi baDhaa do gham asiri kaa qafas ko aashiyaan mein yaa qafas mein aashiyaan rakh do tasalli dene vaalo ham tahi-dastaan-e-qismat hain sar-e-daaman jo mumkin ho to dil ki dhajjiyaan rakh do zarurat jaan ki dil ko main be-parvaa-e-hasti huun jahaan dil hai vahin ab meri jaan-e-naa-tavaan rakh do khudaa kahlaao yaa kuchh aur sab kuchh mujh ko kahnaa hai idhar aao mire munh mein tumhin apni zabaan rakh do vafaa kaa raaz is majmea mein kholaa jaa nahin saktaa sivaa mahshar ke koi aur roz-e-imtihaan rakh do mohabbat aur tasalli us pe hosh-e-zindagi 'kaifi' nahin uThtaa agar kaandhe se ye baar-e-garaan rakh do"

"sau daagh tamannaaon ke ham khaae hue hain gul jitne hain is baagh mein murjhaae hue hain sharminda huun main apni duaaon ke asar se vo aaj pareshaan hain ghabraae hue hain khuddaari-e-gesu kaa hai us rukh pe ye aalam jhuknaa jo paDaa un ko to bal khaae hue hain ab tum bhi zaraa husn-e-jahaan-soz ko roko ham to dil-e-be-taab ko samjhaae hue hain ai dast-e-karam pheink de kaunain ko is mein daaman ko tire saamne phailaae hue hain phoDeinge jabin ab tire dar par tire muhtaaj barbaad hain taqdir ke Thukraae hue hain aataa hai baDhaa bahr-e-karam josh mein 'kaifi' ham apne gunaahon pe jo sharmaae hue hain"

"kar ke dil-e-naalaan se mire saaz kisi ne di hai mujhe parde se ye aavaaz kisi ne is dil kaa hai jo dard vahi jaan hai dil ki samjhaa na kabhi ishq kaa ye raaz kisi ne vaa baab-e-qafas aur huun main baab-e-qafas par jaise ki uDaa li par-e-parvaaz kisi ne taqdir mein jo kuchh miri hansnaa hai ki ronaa bakhshaa vahi dil ko mire andaaz kisi ne har ashk kaa qatra thaa fasaana mire dil kaa dekhaa na miraa dida-e-ghammaaz kisi ne di mujh ko taDap vo bhi ba-qadr-e-dil-e-betaab main kyaa ki ye samjhaa na tiraa raaz kisi ne har sher hai Duubaa huaa taasir mein 'kaifi' bakhshaa hai mujhe khaama-e-eajaaz kisi ne"

"be-taab paas shama ke parvaana aa gayaa kyaa baat hai ki hosh mein divaana aa gayaa saaqi ki baargaah mein tauba hui qubul khud DhunDhtaa huaa mujhe mai-khaana aa gayaa sajdon kaa mere naaz uThaane ke vaaste kaabe ke saamne dar-e-jaanaana aa gayaa daaman ko mere dekh ke hasrat ke haath mein yaad un ko apnaa lutf-e-karimaana aa gayaa mujh ko mire savaal pe bakhshaa hai do-jahaan ab e'tibaar-e-tarz-e-faqiraana aa gayaa thi shaikh-o-barhaman ki mai-o-angbin pe bahas itne mein baDh ke 'kaifi'-e-divaana aa gayaa"

"jo kuchh thaa muqaddar mein gavaaraa to nahin thaa dar-parda kahin un kaa ishaaraa to nahin thaa jitni thi khaTak saans ki kul naghma-e-jaan thi kyaa tum ne mujhe hans ke pukaaraa to nahin thaa taa-zist mujhe jaan-e-hazin bakhshne vaale is mein koi andaaz tumhaaraa to nahin thaa ro ro ke qayaamat kaa liyaa naam kisi ne koi tiri ummid kaa maaraa to nahin thaa TuuTe hue kyon dil ko mire dekh rahe ho aansu thaa miri subh kaa taaraa to nahin thaa muddat se baDaa naam hai firdaus kaa 'kaifi' gesu ko kahin us ne sanvaaraa to nahin thaa"

"uf miri zindagi ki raat uf miri zindagi ke din aisi na hai kisi ki raat aise na hain kisi ke din rukh pe hai surkhi-e-hayaa rang-e-nigaah-e-surmagin jaan-e-bahaar ban gae husn ki saadgi ke din zindagi umid-vaar ek adaa itaab ki aankh mein kaT gai thi raat haae vo barhami ke din paanv baDhaa ke chal diyaa aur main dekhtaa rahaa aah shabaab-e-be-khatar haae hansi khushi ke din 'kaifi'-e-be-qaraar ab dil se banegi kis tarah hosh ki baat rah gai kaT gae be-khudi ke din"

"ai ahl-e-mohabbat kyaa kahiye kyaa chiiz mohabbat hoti hai kuchh gham ki haqiqat hoti hai kuchh dil ki tabiat hoti hai kul ziist alam taa-zist alam yak vaqfa-e-dam taskin-e-alam sunte hain qayaamat aati hai jab us se bhi fursat hoti hai uf aayat-e-sajda husn-e-adaa jalve ke liye parda bhi uThaa betaab jabin jhuk jaati hai kuchh aisi bhi surat hoti hai kuchh mast nigaah-e-saaqi hai kul mai mein hai jo kuchh baaqi hai mai-khaane ke baahar kuchh bhi nahin mai-khaane mein jannat hoti hai duniyaa se alag ho kar 'kaifi' duniyaa se khafaa duniyaa kaa gila ummid agar baaqi na rahe tab yaas mein raahat hoti hai"

"umr kaar-e-jahaan se guzri hai gardish-e-aasmaan se guzri hai dekhtaa huun shabaab ko muD kar zindagaani yahaan se guzri hai dil ki rudaad kaif kaa aalam daastaan daastaan se guzri hai raat be-jaam-o-khosha-e-angur uf nazar kahkashaan se guzri hai zindagaani-e-kaahish-e-ummid meri umr-e-ravaan se guzri hai ye huaa hai ki ab miri ummid dil mein hai raah-e-jaan se guzri hai be-khudi ke karam se ai 'kaifi' khuub pir-e-mughaan se guzri hai"

"husn-e-hijaab-aashnaa jaanib-e-baam aa gayaa baada-e-tah-nashin-e-jaam taa lab-e-jaam aa gayaa aap ne pheink di naqaab garmi-e-ishq dekh kar hashr-navaaz husn aaj hashr ke kaam aa gayaa millat-e-kufr-o-din ki bahas garm thi khaanqaah mein itne mein koi mai piye dast-ba-jaam aa gayaa shauq kaa e'tibaar kyaa yaas ye ikhtiyaar kyaa raah-e-ummid-o-bim mein dil kaa maqaam aa gayaa dil miraa dekhtaa rahaa aur meri zabaan par lazzat-e-jaan-e-aarzu aap kaa naam aa gayaa dahr javaan ho gayaa khul gayaa mai-kade kaa dar saaqi-e-mast mast-e-naaz mast-e-khiraam aa gayaa jalva-e-be-hijaab ko khuub samajh rahaa huun main mahshar-e-did muntazir manzar-e-aam aa gayaa 'kaifi'-e-be-qaraar sun ye rag-e-jaan ke saaz se hai miri iltijaa qubul dil kaa payaam aa gayaa"

"ye dil ki baat hai kis ne kahi hai mohabbat khud saraasar aagahi hai tumhin kah do ki main bilkul na samjhaa nazar jheinpi hui kuchh kah rahi hai ye sar par saaya-gustar khaak-e-sahraa junun be-taaj ki shaahanshahi hai vo jis ne chhin li hai zindagaani mataaa-e-zindagaani bhi vahi hai junun-e-ishq khud manzil hai 'kaifi' khirad ki raah is mein gumrahi hai"

"ye dhokaa ho na ho ummid hi maalum hoti hai ki mujh ko duur se kuchh raushni maalum hoti hai khudaa jaane kis andaaz-e-nazar se tum ne dekhaa hai ki mujh ko zindagi ab zindagi maalum hoti hai isi kaa naam shaayad zindagi ne yaas rakhaa hai nafas ki jo khaTak hai aakhiri maalum hoti huaa hai husn se kuchh aur aks-e-husn-e-khuddaari khamoshi un ke honTon par hansi maalum hoti hai na aayaa haath mere baDh ke jo daaman inaayat kaa ye mahrumi talab ki kuchh kami maalum hoti hai jhukaayaa aaj dar par ai zahe bakht-e-sar-afraazi tiri rahmat qubul-e-bandagi maalum hoti hai tujhe apne liye dast-e-karam ye jaantaa huun main ki tu hai jis qadar duniyaa vahi maalum hoti hai kahaan huun kis taraf huun main khabar is ki nahin mujh ko yahi gum-gashtagi kuchh aagahi maalum hoti hai sar-e-mauj-e-nafas kashti-e-dil ko kyaa kahun 'kaifi' ubharti hai jahaan tak Dubti maalum hoti hai"

"taqdir-e-shama jalva-e-jaanaana ban gayaa shoala uThaa jo us se to pardaa na ban gayaa jo haal-e-dil thaa kaif mein taasir-e-dard thaa vo kahte kahte shauq kaa afsaana ban gayaa jannat ki aarzu se hai jannat kaa kal vajud viraana kah diyaa jise viraana ban gayaa yak qatra dil thaa mast kaa paimaana-e-nasib saaqi ne ki nigaah to mai-khaana ban gayaa mauqaa-shanaas husn-e-mohabbat ke baab mein apnaa thaa aur hashr mein begaana ban gayaa us ki talab mein jab na rahaa us kaa kuchh lihaaz andaaz-e-be-qaraar gadaayaana ban gayaa yuun apne dar se Taal diyaa us ke naaz ne andaaz-e-lutf-e-khaas karimaana ban gayaa 'kaifi' haram ke dar pe thaa jo kuchh vo faiz thaa haan but-kade mein sajda-e-shukraana ban gayaa"

"chaak siine kaa ba-andaaz-e-jigar ho ki na ho aur phir lazzat-e-jaan zauq-e-asar ho ki na ho tujh se ai shama sar-e-shaam hi rukhsat ho luun shab basar ho ki na ho vaqt-e-sahar ho ki na ho umr-e-nazzaara usi jalve pe qurbaan kar duun phir kabhi aur mujhe taab-e-nazar ho ki na ho ab jahaan vo hain miraa hosh vahin hai ai dil be-khabar main huun unhein is ki khabar ho ki na ho apne mahshar ki sahar bhej hi de ab yaarab yaani tanhaa hai miri raat basar ho ki na ho is qadar puchh to lo ru-e-sahar se 'kaifi' us pe rang-e-asar-e-dida-e-tar ho ki na ho"

"go yaum-e-badr maarka-e-kaar-zaar thaa is shakl mein vo aayat-e-parvardigaar thaa kahte hain ek shakhs asiraan-e-badr se rishte mein khvesh-e-sayyad-e-vaalaa-tabaar thaa vo kaun zauj zainab-e-bint-e-rasul kaa bulaas vo jo saahib-e-izz-o-vaqaar thaa thaa hukm-e-aam jo zar-e-fidya ke vaaste daakhil har ek is mein sighaar-o-kibaar thaa makke mein ye khabar jo gai gunjti hui chhuTaa adaa-e-fidya se jo maal-daar thaa daamaad-e-taajdaar-e-madina asir-e-gham apne adaa-e-fidya se be-ikhtiyaar thaa zainab ko di khabar ye janaab-e-rasul ne fidye kaa hukm-e-khaas magar baar baar thaa jis dam sunaa ye hazrat-e-zainab ne maajraa fidya diyaa vo apne gale kaa jo haar thaa laayaa gayaa vo haar huzur-e-rasul mein dekhaa jo us ko aap kaa dil be-qaraar thaa vo haar kyaa thaa baagh-e-mohabbat kaa daagh thaa yaa aatish-e-firaaq kaa taaza sharaar thaa vo haar thaa ki haar ki surat mein jalva-gar daagh-e-gham-e-khadija-e-ulfat-shiaar thaa bhaDkaai us ne aatish-e-furqat dabi hui yaani gham-e-firaaq ki vo yaadgaar thaa vo aqd yaani shaan-e-mohabbat kaa zinda-daar aazaadi-e-asir kaa bhi chaara-kaar thaa 'kaifi' yahi vo jurat-e-ikhlaas khaas thi jis se ki qasr-e-din-e-mubin ustuvaar thaa"

"zabaan-e-shama khulti hai na kuchh parvaana kahtaa hai magar saaraa zamaana bazm kaa afsaana kahtaa hai ba-qadr-e-zarf qismat mere saaqi ki inaayat hai koi paimaana kahtaa hai koi mai-khaana kahtaa hai hijaab-e-laala-o-gul ko mah-o-anjum ke parde ko vahi kahtaa huun main jo jalva-e-jaanaana kahtaa hai shab gham mein jo apne dil se kuchh kahne ko kahtaa huun to jis se bakht so jaae vahi afsaana kahtaa hai khudaa kahte hain kah lene do tum arbaab-e-millat ko mohabbat to yahi kahti hai jo divaana kahtaa hai yahi imaan-e-masti hai yahi hai diin maston kaa vahi hotaa hai jo kuchh saaqi-e-mai-khaana kahtaa hai yahi 'kaifi' yahi hai be-piye saaqi kaa matvaalaa qadam mastaana rakhtaa hai sukhan mastaana kahtaa hai"

"ye dhokaa ho na ho ummid hi maalum hoti hai ki mujh ko duur se kuchh raushni maalum hoti hai khudaa jaane kis andaaz-e-nazar se tum ne dekhaa hai ki mujh ko zindagi ab zindagi maalum hoti hai isi kaa naam shaayad zindagi ne yaas rakkhaa hai nafas ki jo khaTak hai aakhiri maalum hoti hai huaa hai husn se kuchh aur aks-e-husn-e-khud-daari khamoshi un ke honTon par hansi maalum hoti hai na aayaa haath mere baDh ke jo daaman inaayat kaa ye mahrumi talab ki kuchh kami maalum hoti hai jhukaayaa aaj dar par ai zahe bakht-e-sar-afraazi tiri rahmat qubul-e-bandagi maalum hoti hai tujhe apne liye dast-e-karam ye jaantaa huun main ki tu hai jis qadar duniyaa vahi maalum hoti hai kahaan huun kis taraf huun main khabar is ki nahin mujh ko yahi gum-gashtagi kuchh aagahi maalum hoti hai sar-e-mauj nafas kashti-e-dil ko kyaa kahun 'kaifi' ubharti hai jahaan tak Dubti maalum hoti hai"

"taaron vaali raat kaa aalam piine aur pilaane se saaqi ne mai khinch ke rakh di goyaa daane daane se taar-e-garebaan siine vaale chaak-ba-daaman aae hain yaani kuchh taqdir na suljhi uljhi thi divaane se raat nahin ye ziist kaa din hai hosh mein aa barbaad na kar shama faqat mehmaan-e-sahar hai kaun kahe parvaane se dair-o-haram se uThne vaale aae hain maikhaane mein is pe agar taqdir uThaa de jaaein kahaan maikhaane se josh-e-junun saa rahbar ho to hosh ki manzil duur nahin divaane ne raah banaa di basti tak viraane se saaqi ke andaaz ko dekho be-khud piine vaalon mein milti hai mai qismat se go baTti hai paimaane se zarf miri qismat kaa bharaa hai aap nigaah-e-saaqi ne paimaane ko khum se mili aur khum ko mili paimaane se umr-e-do-roza 'kaifi' ki yuun kaT hi gai yuun kaTni thi kaam rahaa paimaane se aur saaqi ke maikhaane se"