Ghazal
The lyric art form of Urdu poetry — every sher a universe of longing, love, and philosophy
Featured Poets
All Poets →
Trending Ghazals
Khalid Azmi
alam mein shaad ho kar dekhte hain
zaraa aazaad ho kar dekhte hain
hasad hai un ko khush-haali se meri
chalo barbaad ho kar dekhte hain
· · ·
Khalid Azmi
jazba-e-'ishq-o-vafaa mein ik kami baaqi rahi
har khataa main kar chukaa bas khud-kushi baaqi rahi
bevafaa kaise kahun majbur kahnaa Thiik hai
ham gae do samt lekin dosti baaqi rahi
· · ·
Khalid Azmi
daghaa fareb sitam qatl-e-‘aam kyaa-kyaa hai
amir-e-shahr bataa teraa kaam kyaa-kyaa hai
adab tamiz mohabbat khulus ki baatein
tumhaari bazm mein aakhir haraam kyaa-kyaa hai
· · ·
Khalid Azmi
mazdur ke kisaan ke haalaat pe likhein
aao ghazal ko apni nai baat pe likhein
ab daastaan-e-shirin-o-farhaad chhoD kar
ashfaaq ke bhagat ke khayaalaat pe likhein
· · ·
Khalid Azmi
jab se meraa muqaddar khafaa ho gayaa
main vafaadaar se bevafaa ho gayaa
main ne un ko bhulaane ki khaai qasam
aur haq dosti kaa adaa ho gayaa
· · ·
Khalid Azmi
agar hai hausla aao chalo uDaan bhi lo
magar zaruri hai dushvaariyon ko jaan bhi lo
qadam-qadam pe nayaa pul-siraat miltaa hai
bahut kaThin hai mohabbat ki raah maan bhi lo
· · ·
Khalid Azmi
tum jo aa jaao to mahfil ko charaaghaan kar duun
varna ji chaahtaa hai zindagi viraan kar duun
mujh ko aataa hai hunar gutthiyaan suljhaane kaa
aa tiri zulf-e-girah-gir ko aasaan kar duun
· · ·
Khalid Azmi
puchh lo tum chaahe jis se ye meraa kirdaar hai
sab se jhuk ke miltaa huun aur saadgi se pyaar hai
kal talak to aap maalik the dukaan-e-‘ishq ke
ab sunaa hai aap kaa nafrat kaa kaarobaar hai
· · ·
Khalid Azmi
surkh raushni le kar aaftaab aaegaa
is zamin ke aangan mein inqalaab aaegaa
haq nahin milaa jin ko ab milegaa haq un ko
muflison ke daaman mein maahtaab aaegaa
· · ·
Khalid Azmi
jab se gham se miri 'aashiqi ho gai
mere marne ki zid multavi ho gai
mujh ko baDhne se rokaa zamaana ne jab
hausle mein mire pukhtagi ho gai
· · ·
Khalid Azmi
aap kyaa mil gae zindagi mil gai
jis se mahrum thaa vo khushi mil gai
zindagi mein andheraa andheraa saa thaa
aap ko dekh kar raushni mil gai
· · ·
Khalid Azmi
jin ko ilm-o-shuur hotaa hai
un se har aib duur hotaa hai
us ki bharpaai ho nahin paati
ishq mein jo qusur hotaa hai
· · ·
Khalid Azmi
rukh se naqaab apne haTaayaa na kijiye
badli mein ham ko chaand dikhaayaa na kijiye
muddat se muntazir hai karein aap se savaal
khaamosh rah ke ham ko sataayaa na kijiye
· · ·
Khalid Azmi
aap kyaa mil gae zindagi mil gai
jis se mahrum thaa vo khushi mil gai
zindagi mein andheraa andheraa saa thaa
aap ko dekh kar raushni mil gai
· · ·
Khalid Azmi
zindagi pe ik ehsaan kar jaaiye
aap dil mein hamaare utar jaaiye
dil kaa dariyaa mohabbat se labrez hai
is mein ghota lagaa kar nikhar jaae
· · ·