Ghazal

mizaaj-e-jahaan ke mutaabiq nahin main

buraa to huun lekin munaafiq nahin main

main huun tirgi khoj le raushni tu

bujhaa saa huun ik diip shaariq nahin main

· · ·

mire to jo bhi aas-paas hai udaas hai

jo shakhs bhi miraa qayaas hai udaas hai

udaasi munsalik hai tan-badan se is tarah

ye tan pe mere jo libaas hai udaas hai

· · ·

ham aise muravvat ke sataae hue log

dil toD gae dil mein basaae hue log

ik pal mein mohabbat ne banaayaa hai faqir

chhine hain mohabbat ne kamaae hue log

· · ·

kisi tarah se ghiraa main kuchh bad-duaaon mein huun

mujhe zarurat hai dhuup ki aur main chhaanv mein huun

buron se meri faqat sazaa mein mushaabahat hai

gunaah-e-naa-karda ki phansaa main sazaaon mein huun

· · ·

dard-e-dil se ho kinaara ab hai mushkil

baat us ki ho gavaara ab hai mushkil

sach hai ik muddat se tanhaa ji rahe hain

bin tire jiinaa hamaaraa ab hai mushkil

· · ·

samajhtaa hai kaun gham ko sahte betaab kaa dukh

shabaab ko khaa gayaa hai Dhalte shabaab kaa dukh

zamir dar dar pe jaa ke chaahe de jitni dastak

koi nahin suntaa khol ke dar janaab kaa dukh

· · ·

dard-e-dil se ho kinaara ab hai mushkil

baat us ki ho gavaara ab hai mushkil

sach hai ik muddat se tanhaa ji rahe hain

bin tire jiinaa hamaaraa ab hai mushkil

· · ·

mire to jo bhi aas-paas hai udaas hai

jo shakhs bhi miraa qayaas hai udaas hai

udaasi munsalik hai tan-badan se is tarah

ye tan pe mere jo libaas hai udaas hai

· · ·

samajhtaa hai kaun gham ko sahte be-taab kaa dukh

shabaab ko khaa gayaa hai Dhalte shabaab kaa dukh

zamir dar dar pe jaa ke chaahe de jitni dastak

koi nahin suntaa khol ke dar janaab kaa dukh

· · ·

faqat mujh ko to ik hi gham mohabbat haar baiThaa huun

hain aankhein bhi zaraa si nam mohabbat haar baiThaa huun

davaa zakhm-e-mohabbat pe lagaa mujh ko jo hai koi

mire zakhmon pe rakh marham mohabbat haar baiThaa huun

· · ·