ghubaar-e-jaan pas-e-divaar-o-dar sameTaa hai — Azra Waheed

"havaa ke lab pe nae intisaab se kuchh hain ki shaakh-e-vasl pe taaza gulaab se kuchh hain ye pal kaa qissa hai sadiyon pe jo muhit rahaa bar-aab saaat-e-guzaraan habaab se kuchh hain hujum ham ko sar aankhon pe kyuun biThaae rahaa dil-o-nazar pe hamaare azaab se kuchh hain lahu rulaate hain aur phir bhi yaad aate hain mohabbaton ke puraane nisaab se kuchh hain utarte rahte hain aankhon ke aainon pe sadaa kitaab-e-khasta mein gum-gashta baab se kuchh hain sivaae tishnagi kuchh aur de sake na hamein jo zer-e-aab chamakte saraab se kuchh hain mudaam un ko chamaknaa baghair khauf-e-fanaa ye aasmaan pe jo be-hisaab se kuchh hain"

"par saubat raaston ki garmiyaan bhi de gayaa aane vaali chhaanv ki khush-fahmiyaan bhi de gayaa sakht bijon se sunahri baaliyaan bhi bhar gaiin garm jhonkaa mausamon ki sakhtiyaan bhi de gayaa baadalon ki aas us ke saath hi rukhsat hui shahr ko vo aag ki be-rahmiyaan bhi de gayaa ehtisaab us kaa amal thaa us se vo faarigh huaa vaqt saDkon ko luTi shahzaadiyaan bhi de gayaa bebasi aur bhuuk mein jo hausle detaa rahaa pyaar karne ki mujhe kamzoriyaan bhi de gayaa Tahniyaan phulon se lad kar rab ke aage jhuk gaiin mausam-e-gul jaate jaate titliyaan bhi de gayaa aasmaan ne maan zamin ki god to bhar di magar de ke beTe un ko kuchh naa-samjhiyaan bhi de gayaa"

"taarik ujaalon mein be-khvaab nahin rahnaa us ziist ke dariyaa ko paayaab nahin rahnaa sarsabz jaziron ki ubhregi shabaahat bhi us ziist samundar ko be-aab nahin rahnaa is hijr-e-musalsal ki aadat bhi kabhi hogi honTon pe sadaa gham kaa zahraab nahin rahnaa chhan chhan ke bahegaa din baadal ki ridaaon se suraj ki shuaaon ko naayaab nahin rahnaa us raat ke maathe par ubhreinge sitaare bhi ye khauf andheron kaa shaadaab nahin rahnaa"

"safar andar kaa mushkil aur be-aavaaz hotaa hai parinda be-dili se aazim-e-parvaaz hotaa hai main naghmon ki uThaanon mein talaashun jhalkiyaan us ki vo jab hotaa hai aavaaz-e-shikast-e-saaz hotaa hai main aane vaale sab lamhon pe likkhun hijr ke manzar vo har guzre zamaane mein miraa dam-saaz hotaa hai havaa jab sarsaraati hai ghane pipal ke peDon mein baDe unche pahaaDon par koi dar baaz hotaa hai main jab palkon se chunti huun gae lamhon ke rezon ko sunahre aasmaanon mein koi hamraaz hotaa hai"

"gire qatron mein patthar par sadaa aisaa bhi hotaa hai bhalaa ho kar bhalaa naam-e-khudaa aisaa bhi hotaa hai dilon mein talkhiyaan phir bhi nazar mein muskuraahaT ho balaa ke habs mein bhi ho havaa aisaa bhi hotaa hai main khud se ajnabi ho kar qabaa-e-khush-dili pahnun mire andar rahe koi chhupaa aisaa bhi hotaa hai kanaar-e-aab-e-dajla dhuup tapti ho qayaamat ki har ik zarra bane karb-o-balaa aisaa bhi hotaa hai kabhi tanhaaiyon mein khud-kalaami aur phir hansnaa mujhe raas aae ye aab-o-havaa aisaa bhi hotaa hai sabhi paDh kar phir apni raah ho lete hain basti mein sar-e-divaar kuchh mubham likhaa aisaa bhi hotaa hai bachaa luun nuuh ke beDe ko tufaanon ki shiddat se baDhaa bahr-e-madad khud kibriyaa aisaa bhi hotaa hai"

"masale zer-e-nazar kitne the ahl-e-dil ahl-e-hunar kitne the hashr aae to yahi faisla ho kitne insaan the bashar kitne the kaasa-e-chashm mein ummid liye jo bhi the khaak-basar kitne the saari basti mein makaan the behad jo khule rahte the dar kitne the vo jo aasaaishon mein tulte the sang-e-marmar ke vo ghar kitne the tujh ko paaein tujhe kho baiThein phir zindagi ek thi Dar kitne the kitne dariyaa the kinaare kitne manzilein kitni safar kitne the har taraf dhuup ki yalghaarein thiin har taraf mom ke ghar kitne the kitni aankhon ne gavaahi di thi dhuup kitni thi shajar kitne the kitne shab-khun abhi taak mein hain luT gae the jo nagar kitne the vaqt ki gard ye qadmon ke nishaan soch lo baar-e-digar kitne the kachchi basti ke makin bhi gin lo shahr mein saahab-e-zar kitne the"

"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"

"chaand bhi khoyaa khoyaa saa hai taare bhi khvaabida hain aaj fazaa ke bojhal-pan se lahje bhi sanjida hain jaane kin kin logon se is dard ke kyaa kyaa rishte the hijr ki is aabaad saraa mein sab chehre naadida hain itne barson baad bhi donon kaise TuuT ke milte hain tu hai kitnaa saada-dil aur ham kitne pechida hain sun jaanaan ham tark-e-taalluq aur kisi din kar leinge aaj tujhe bhi ujlat si hai ham bhi kuchh ranjida hain kaanon mein ik sargoshi hai be-maani si sargoshi aankhon mein kuchh khvaab saje hain khvaab bhi umr-rasida hain ghar ki vo makhdush imaarat gir ke phir taamir hui ab aangan mein peD hain jitne saare shaakh burida hain is basti mein ek saDak hai jis se ham ko nafrat hai us ke niche pagDanDi hai jis ke ham girvida hain"

"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"

"dast-kash hon na mai-e-gul ke khush-aashaam abhi ki labaalab hain mah-o-mehr ke do-jaam abhi zehn mein saaqi hai mai-khaana hai hai jaam abhi hosh kahtaa huun ise hosh kaa kyaa kaam abhi mujh ko darkaar na hai kufr na islaam abhi sidhe sidhe hi chale aate hain paighaam abhi tu bhi baaqi tiri rahmat bhi hai baaqi saaqi rahne de hai mai-e-isyaan se baDaa kaam abhi khaal-o-gesu se hai ye silsila-e-raaz-o-niyaaz daana sad-daana ho ye daam ho sad-daam abhi ziist ke khvaab ki taabir abhi baaqi hai ibtidaa dekh chuke hai magar anjaam abhi rah-rav-e-ishq abhi duur hai mearaaj-e-habib rashk-e-manzil na huaa raah mein har gaam abhi zarra-zarra hai ik aatish-kada-e-nur kalim dekh agar tu na ho aatish-zada-e-baam abhi imtiyaaz-e-man-o-tu raaz-e-khafi hai lekin khaasgaan ke liye kahtaa huun sar-e-aam abhi aks ko zo'm hai be-misli-e-rang-o-bu kaa turfa ye hai ki muqaabil hai vo gulfaam abhi raaz-goi tiri 'aiman' hai gunaah-e-akbar maang le afv ki us kaa hai karam aam abhi"

"baad-e-shimaal chalne lagi ang ang mein lipTaa hai kaun mujh se ye patjhaD ke rang mein khvaahish ke kaarobaar se bachnaa muhaal hai utregaa tu bhi saath mire is surang mein main aandhiyon mein haath bhi pakDun tiraa to kyaa ik shaakh-e-be-siper huun havaaon ki jang mein 'raanjhaa' main 'ahd-e-nau kaa qabilon mein baT gayaa to 'hir' ban ke pi na saki zahr jhang mein garmaa sakin na chaahatein teraa kaThor jism har ek jal ke bujh gai tasvir sang mein aage 'musavvir' aag 'aqab mein hai ye sadaa pichhe na muD ke dekhnaa is dasht-e-sang mein"

"tifli piiri o naujavaani hech tiin din ki hai zindagaani hech umr-e-do-roza par ghamanD itnaa munimon ki hai lan-taraani hech raat thoDi hai aao pyaar karein subh ko hogi ye kahaani hech chaar din ki bahaar hai saari ye takabbur hai yaar-e-jaani hech dil ke haathon 'haqir' jhagDon mein meri guzri sadaa javaani hech"