biich dariyaa mein utar kar dekhiye — Aamir Rahmati

haTaa kar phuul kaanTe hi bichhaa do
hamein chalne mein diqqat ho rahi hai

— Aamir Rahmati

ham jaison ko bas itni ijaazat hai mire dost
ham dekh hi sakte hain pasand aayaa huaa shakhs

— Aamir Rahmati

rokiye rokiye sarkaar ise
aankh talvaar hui jaati hai

— Aamir Rahmati

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

kisi se ishq apnaa kyaa chhupaaein
mohabbat Tapki paDti hai nazar se

— Meer Mehdi Majrooh

hamaaraa ishq ravaan hai rukaavaTon mein 'zafar'
ye khvaab hai kisi divaar se nahin ruktaa

— Zafar Iqbal