haalat-e-haal se begaana banaa rakkhaa hai — Abbas Qamar

ham hain asir-e-zabt ijaazat nahin hamein
ro paa rahe hain aap badhaai hai roiye

— Abbas Qamar

khush hain to phir musaafir-e-duniyaa nahin hain aap
is dasht mein bas aabla-paai hai roiye

— Abbas Qamar

mere kamre mein udaasi hai qayaamat ki magar
ek tasvir puraani si hansaa karti hai

— Abbas Qamar

inhein aankhon ne bedardi se be-ghar kar diyaa hai
ye aansu qahqaha banne ki koshish kar rahe the

— Abbas Qamar

khamoshi kah rahi hai ab ye do-aabaa ravaan hogaa
havaa chup ho to baarish ke shadid aasaar hote hain

— Abbas Qamar

ashkon ko aarzu-e-rihaai hai roiye
aankhon ki ab isi mein bhalaai hai roiye

— Abbas Qamar

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

— Allama Iqbal

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi