bahut aziiz thi ye zindagi magar ham log — Abbas Rizvi

kyaa karun khilat o dastaar ki khvaahish ki mujhe
ziist karne kaa saliqa bhi ziyaan se aayaa

— Abbas Rizvi

vo habs thaa ki tarasti thi saans lene ko
so ruuh taaza hui jism se nikalte hi

— Abbas Rizvi

talab karein to ye aankhein bhi in ko de duun main
magar ye log in aankhon ke khvaab maangte hain

— Abbas Rizvi

ajiib turfa-tamaashaa hai mere ahd ke log
savaal karne se pahle javaab maangte hain

— Abbas Rizvi

khauf aisaa hai ki duniyaa ke sataae hue log
kabhi mimbar kabhi mehraab se Dar jaate hain

— Abbas Rizvi

tamaam umr ki be-taabiyon kaa haasil thaa
vo ek lamha jo sadiyon ke pesh-o-pas mein rahaa

— Abbas Rizvi

kam-umri mein sunet hain
mar jaate hain achchhe log

— Malikzada Javed

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri