marnaa bhi nahin hai apne bas mein — Abdul Aziz Fitrat

husn-e-qismat se hamesha 'fitrat'
bakht bedaar rahaa khvaabon mein

— Abdul Aziz Fitrat

'fitrat' dil-e-kaunain ki dhaDkan to zaraa sun
ye hazrat-e-insaan hi ki azmat kaa bayaan hai

— Abdul Aziz Fitrat

ham to tire zikr kaa hue juzv
tu ne hamein kis tarah bhulaayaa

— Abdul Aziz Fitrat

aur bhi kitne tariqe hain bayaan-e-gham ke
muskuraati hui aankhon ko to pur-nam na karo

— Abdul Aziz Fitrat

kam-umri mein sunet hain
mar jaate hain achchhe log

— Malikzada Javed

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri