haal-e-dil sun ke vo aazurda hain shaayad un ko — Abdul Majeed Salik

hamaare Dubne ke baad ubhreinge nae taare
jabin-e-dahr par chhaTkegi afshaan ham nahin honge

— Abdul Majeed Salik

tujhe kuchh ishq o ulfat ke sivaa bhi yaad hai ai dil
sunaae jaa rahaa hai ek hi afsaana barson se

— Abdul Majeed Salik

charaagh-e-zindagi hogaa farozaan ham nahin honge
chaman mein aaegi fasl-e-bahaaraan ham nahin honge

— Abdul Majeed Salik

jo unhein vafaa ki sujhi to na ziist ne vafaa ki
abhi aa ke vo na baiThe ki ham uTh gae jahaan se

— Abdul Majeed Salik

ishq hai be-gudaaz kyuun husn hai be-niyaaz kyuun
meri vafaa kahaan gai un ki jafaa ko kyaa huaa

— Abdul Majeed Salik

ab nahin jannat mashaam-e-kucha-e-yaar ki shamim
nikhat-e-zulf kyaa hui baad-e-sabaa ko kyaa huaa

— Abdul Majeed Salik

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki

chaand ne taan li hai chaadar-e-abr
ab vo kapDe badal rahi hogi

— Jaun Elia

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal