jo tuun murghaa nahin hai ai zaahid — Abdul Wahab Yakro

kamaan abru nipaT shah-zor haigaa
ki shaakh-e-aashnaai toD Daali

— Abdul Wahab Yakro

ishq ke fan niin huun main audhōt
tire dar pe biThaa huun mal ke bhabhut

— Abdul Wahab Yakro

raam maashuq agar hove aashiq
toD de sar raqib raavan kaa

— Abdul Wahab Yakro

jabhi tu paan khaa kar muskuraayaa
tabhi dil khil gayaa gul ki kali kaa

— Abdul Wahab Yakro

pyaasaa mat jalaa saaqi mujhe garmi siin hijraan ki
shitaabi laa sharaab-e-khaam ham ne dil ko bhunaa hai

— Abdul Wahab Yakro

jane dekhaa so hi bauraa huaa hai
tire til hain magar kaalaa dhaturaa

— Abdul Wahab Yakro

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

— Zahid Masood

har subh nikalte hain yahi soch ke ghar se
bikhri hui duniyaa ko sameTeinge kisi din

— Sayyed Riyaz Raheem

aankhon mein meri subh-e-qayaamat gai jhamak
siine se us pari ke jo parda ulaT gayaa

— Nazeer Akbar Abadi

haan dikhaa de ai tasavvur phir vo subh o shaam tu
dauD pichhe ki taraf ai gardish-e-ayyaam tu

— Allama Iqbal

andheri shab kaa ye khvaab-manzar mujhe ujaalon se bhar rahaa hai
to raat itni tavil kar de ki taa-qayaamat sahar na aae

— Aleena Itrat

sahar ke saath hogaa chaak meraa daaman-e-hasti
ba-rang-e-shama bazm-e-dahr mein mehmaan huun shab bhar kaa

— Taufeeq Hyderabadi