yazid-e-vaqt ne ab ke lagaai hai qadghan — Abid Wadood

ham faqiron kaa pairahan hai dhuup
aur ye raat apni chaadar hai

main baarishon mein bahut bhigtaa rahaa 'aabid'
sulagti dhuup mein ik chhat bahut zaruri hai

ab qafas aur gulistaan mein koi farq nahin
ham ko khushbu ki talab hai ye sabaa jaanti hai

is e'tibaar pe kaaTi hai ham ne umr-e-aziz
sahar kaa vaqt ujaale bhi saath laaegaa

sab apne apne tariqe se bhiik maangte hain
koi ba-naam-e-mohabbat koi ba-jaama-e-ishq

sar par gire makaan kaa malba hi rakh liyaa
duniyaa ke qimti sar-o-saamaan se gae

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

ishq to har shakhs kartaa hai 'shuur'
tum ne apnaa haal ye kyaa kar liyaa

kitni be-rang zindagi hai miri
'ishq ke rang yaar bhar do naa

saudaa kabhi zamir kaa main ne kiyaa nahin
sad-shukr main bhi 'ishq mein taajir huaa nahin

ahl-e-gham tum ko mubaarak ho fanaa-aamaadgi
lekin isaar-e-mohabbat jaan de denaa nahin