vasl ke baad bhi puuri nahin hoti khvaahish — Abrar Ahmad Kashif

aakhiri lamhaat mein kyaa sochne lagte ho tum
jiit ke nazdik aa kar haar jaayaa mat karo

— Abrar Ahmad Kashif

pareshaani agar hai to pareshaani kaa hal bhi hai
pareshaan-haal rahne se pareshaani nahin jaati

— Abrar Ahmad Kashif

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

— Jafar Shirazi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

us shaan-e-aajizi ke fidaa jis ne 'aarzu'
har naaz har ghurur ke qaabil banaa diyaa

— Arzoo Lakhnavi

ik tarz-e-taghaaful hai so vo un ko mubaarak
ik arz-e-tamannaa hai so ham karte raheinge

— Faiz Ahmad Faiz

hai kahaan tamannaa kaa dusraa qadam yaa-rab
ham ne dasht-e-imkaan ko ek naqsh-e-paa paayaa

— Mirza Ghalib

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

— Wafa Naqvi