namkin goyaa kabaab hain phike sharaab ke — Abroo Shah Mubarak

jaltaa hai ab talak tiri zulfon ke rashk se
har-chand ho gayaa hai chaman kaa charaagh gul

— Abroo Shah Mubarak

gham siin ahl-e-bait ke ji to tiraa kuDhtaa nahin
yuun abas paDhtaa phiraa jo marsiya to kyaa huaa

— Abroo Shah Mubarak

kyaa sabab tere badan ke garm hone kaa sajan
aashiqon mein kaun jaltaa thaa gale kis ke lagaa

— Abroo Shah Mubarak

yuun 'aabru' banaave dil mein hazaar baatein
jab ru-ba-ru ho tere guftaar bhuul jaave

— Abroo Shah Mubarak

yaaro hamaaraa haal sajan siin bayaan karo
aisi tarah karo ki use mehrbaan karo

— Abroo Shah Mubarak

afsos hai ki bakht hamaaraa ulaT gayaa
aataa to thaa pe dekh ke ham kuun palaT gayaa

— Abroo Shah Mubarak

na tum hosh mein ho na ham hosh mein hain
chalo mai-kade mein vahin baat hogi

— Bashir Badr

sau fasaad ek ishq mein uTThe
boyaa ik tukhm uge hazaar darakht

— Imdad Ali Bahr

kisi ke zakhm par chaahat se paTTi kaun baandhegaa
agar bahnein nahin hongi to raakhi kaun baandhegaa

— Munawwar Rana

aae kuchh abr kuchh sharaab aae
is ke baa'd aae jo azaab aae

— Faiz Ahmad Faiz

na gul khile hain na un se mile na mai pi hai
ajiib rang mein ab ke bahaar guzri hai

— Faiz Ahmad Faiz

dil mein rakh zakhm-e-navaa raah mein kaam aaegaa
dasht-e-be-samt mein ik hu kaa maqaam aaegaa

— Zafar Ghauri