khabar deti hai yaad kartaa hai koi — Afsar Allahabadi

tumhaare hijr mein kyuun zindagi na mushkil ho
tumhin jigar ho tumhin jaan ho tumhin dil ho

— Afsar Allahabadi

na ho yaa rab aisi tabiat kisi ki
ki hans hans ke dekhe musibat kisi ki

— Afsar Allahabadi

mujhe gum-shuda dil kaa gham hai to ye hai
ki is mein bhari thi mohabbat kisi ki

— Afsar Allahabadi

hamaaraa koh-e-gham kyaa sang-e-khaaraa hai jo kaT jaataa
agar mar mar ke zinda kohkan hotaa to kyaa hotaa

— Afsar Allahabadi

hasinon ki donon adaaein hain dilbar
kisi ki hayaa to sharaarat kisi ki

— Afsar Allahabadi

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

koi viraani si viraani hai
dasht ko dekh ke ghar yaad aayaa

— Mirza Ghalib

sunaa hai vo mire baare mein sochtaa hai bahut
khabar to hai hi magar mo'tabar zyaada nahin

— Zafar Iqbal

silvaTein hain mire chehre pe to hairat kyuun hai
zindagi ne mujhe kuchh tum se ziyaada pahnaa

— Ahmad Faraz