sujhti hain sainkaDon baatein mujhe — Afzal Peshawari

main to husn-e-nazar samajhtaa huun
log jis ko shabaab kahte hain

— Afzal Peshawari

mohabbat main bhi kartaa huun mohabbat tum bhi karte ho
magar donon mein munh-dekhi mohabbat kaun kartaa hai

— Afzal Peshawari

hamesha ke liye vo jaa chuke hain
khayaal un kaa magar jaataa nahin hai

— Afzal Peshawari

laakh duniyaa khilaaf ho jaae
aap kaa dil to saaf ho jaae

— Afzal Peshawari

jo mere 'ilm mein nahin aai
vo khataa to mu'aaf ho jaae

— Afzal Peshawari

husn ko laa-javaab kahte hain
ghairat-e-aaftaab kahte hain

— Afzal Peshawari

kyon tasavvur mein ji rahaa huun main
jab haqiqat mein mar hi jaanaa hai

— Divyansh Rawat

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

jism-e-aazaadi mein phunki tu ne majburi ki ruuh
khair jo chaahaa kiyaa ab ye bataa ham kyaa karein

— Fani Badayuni

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

— Wali Aasi

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

— Mir Taqi Mir

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

— Arshad Jamal Sarim