mujh pe tasvir lagaa di gai hai — Ahmad Kamran

raas aaegi mohabbat us ko
jis se hote nahin vaade puure

— Ahmad Kamran

ik pal kaa tavaqquf bhi giraan-baar hai tujh par
aur ham ki thake-haare masaafat se gurezaan

— Ahmad Kamran

chaahiye hai mujhe inkaar-e-mohabbat mire dost
lekin is mein tiraa inkaar nahin chaahiye hai

— Ahmad Kamran

miri vafaa hai mire munh pe haath rakkhe hue
tu sochtaa hai ki kuchh bhi nahin samajhtaa main

— Ahmad Kamran

chand peDon ko hi majnun ki duaa hoti hai
sab darakhton pe to patthar nahin aayaa kartaa

— Ahmad Kamran

tu ne ai ishq ye sochaa ki tiraa kyaa hogaa
tere sar se main agar haath uThaa letaa huun

— Ahmad Kamran