chikhte chikhte chup ho gaiin nannhi ruhein — Ahmad Sageer

zard mausam ne darakhton ki zabaan sil di thi
phir koi phuul hansaa aur khizaan haar gai

— Ahmad Sageer

khudaa-yaa apne kun ki laaj rakh le
tiraa shahkaar zaae' ho rahaa hai

— Ahmad Sageer

javaab aae na aae shikan to aaegi
savaal puchh hi lenaa agarche Darte hue

— Ahmad Sageer

dastaras mein na rahe lafz-gari behtar hai
ham agar bol paDeinge to bahut boleinge

— Ahmad Sageer

ajnabiyyat ki jhalak dekhi gai lahje mein
baat Darne ki hai is baat pe Dar jaaiye naa

— Ahmad Sageer

zard chehron se udaasi ke bichhaDne kaa sabab
log puchheinge to kah denaa ki dukh haar gayaa

— Ahmad Sageer

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

raat yuun dil mein tiri khoi hui yaad aai
jaise viraane mein chupke se bahaar aa jaae

— Faiz Ahmad Faiz

kuchh bolo ki khaamoshi chup ho jaae
us ki baatein sun kar ke Dar lagtaa hai

— Bhaskar Shukla

sunti rahi main sab ke dukh khaamoshi se
kis kaa dukh thaa mere jaisaa bhuul gai

— Fatima Hasan

kaise aataa hai dabe paanv gunaahon kaa khayaal
kitni khaamoshi se darvaaza khulaa thaa pahle

— Fay Seen Ejaz

khudaa ne bakhshaa hai kyaa zarf mom-batti ko
pighalte rahnaa magar saari raat chup rahnaa

— Khurshid Talab