abhi hamein guzaarni hai ek umr-e-mukhtasar — Ahmad Shahryar

tujh se bhi kab hui tadbir miri vahshat ki
tu bhi muTThi mein kahaan bheinch sakaa paani ko

— Ahmad Shahryar

khvaab-e-ziyaan hain umr kaa khvaab hain haasil-e-hayaat
is kaa bhi thaa yaqin mujhe vo bhi mire gumaan mein thaa

— Ahmad Shahryar

samaai kis tarah meri aankhon ki putliyon mein
vo ek hairat jo aaine se bahut baDi thi

— Ahmad Shahryar

na dastakein na sadaa kaun dar pe aayaa hai
faqir-e-shahr hai yaa shahryaar dekhiyegaa

— Ahmad Shahryar

saalgirah par kitni nek tamannaaein mausul huiin
lekin in mein ek mubaarakbaad abhi tak baaqi hai

— Ahmad Shahryar

qatra Thiik hai dariyaa hone mein nuqsaan bahut hai
dekh to kaise Duub rahaa hai meraa lashkar mujh mein

— Ahmad Shahryar

kam-umri mein sunet hain
mar jaate hain achchhe log

— Malikzada Javed

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

zindagi ke bahut qarib na jaa
faasla kuchh to apne dhyaan mein rakh

— Akmal Imaam

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim