thak ke yuun pichhle pahar sau gayaa meraa ehsaas — Ahmad Wasi

muddat ke baa'd aaina kal saamne paDaa
dekhi jo apni shakl to chehra utar gayaa

— Ahmad Wasi

vo kare baat to har lafz se khushbu aae
aisi boli vahi bole jise urdu aae

— Ahmad Wasi

judaai kyuun dilon ko aur bhi nazdik laati hai
bichhaD kar kyuun ziyaada pyaar kaa ehsaas hotaa hai

— Ahmad Wasi

log hairat se mujhe dekh rahe hain aise
mere chehre pe koi naam likhaa ho jaise

— Ahmad Wasi

jo kahtaa thaa zamin ko main sitaaron se sajaa dungaa
vahi basti ki tah mein rakh gayaa chingaariyaan apni

— Ahmad Wasi

muddat guzar gai hai ki dil ko sukun nahin
muddat guzar gai hai kisi kaa bhalaa kiye

— Ahmad Wasi

jhaankte raat ke garebaan se
ham ne sau aaftaab dekhe hain

— Salman Akhtar

shor din ko nahin sone detaa
shab ko sannaaTaa jagaa detaa hai

— Saifuddin Saif

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

aadhi se ziyaada shab-e-gham kaaT chukaa huun
ab bhi agar aa jaao to ye raat baDi hai

— Saqib Lakhnavi

bahut hasin raat hai magar tum to so rahe ho
nikal ke kamre se ik nazar chaandni to dekho

— Shariq Kaifi

us ko sochun to dhyaan mein mere
khushbu aati hai pahli baarish ki

— Vibha Jain 'Khwaab'