zamaane se mohabbat kaa abhi tak — Akhlaque Bandvi

umr lag jaati hai ik ghar ko banaane mein hamein
makaDiyaan roz hi bun leti hain jaale kaise

— Akhlaque Bandvi

kyaa tujhe ilm nahin teri razaa ki khaatir
main ne kis kis ko zamaane mein khafaa rakkhaa hai

— Akhlaque Bandvi

kisi ke lams ki taasir hai ki barson baad
miri kitaabon mein ab bhi gulaab jaagte hain

— Akhlaque Bandvi

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

kisi se ishq apnaa kyaa chhupaaein
mohabbat Tapki paDti hai nazar se

— Meer Mehdi Majrooh