pahle taraashaa kaanch se us ne miraa vajud — Akhtar Razaa Saleemi

yahin kahin pe koi shahr bas rahaa thaa abhi
talaash kijiye is kaa agar nishaan koi hai

— Akhtar Razaa Saleemi

ik aag hamaari muntazir hai
ik aag se ham nikal rahe hain

— Akhtar Razaa Saleemi

aae adam se ek jhalak dekhne tiri
rakkhaa hi kyaa thaa varna jahaan-e-kharaab mein

— Akhtar Razaa Saleemi

ab zamin bhi jagah nahin deti
ham kabhi aasmaan pe rahte the

— Akhtar Razaa Saleemi

guzar rahaa huun kisi jannat-e-jamaal se main
gunaah kartaa huaa nekiyaan kamaataa huaa

— Akhtar Razaa Saleemi

tujhe khabar nahin is baat ki abhi shaayad
ki teraa ho to gayaa huun magar main huun us kaa

— Akhtar Razaa Saleemi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

— Allama Iqbal