vo jugnu ho sitaara ho ki aansu — Akhtar Shahjahanpuri

dilon mein karb baDhtaa jaa rahaa hai
magar chehre abhi shaadaab se hain

— Akhtar Shahjahanpuri

abhi tahzib kaa nauha na likhnaa
abhi kuchh log urdu bolte hain

— Akhtar Shahjahanpuri

ye moajiza hamaare hi tarz-e-bayaan kaa thaa
us ne vo sun liyaa thaa jo ham ne kahaa na thaa

— Akhtar Shahjahanpuri

apnon se jang hai to bhale haar jaaun main
lekin main apne saath sipaahi na laaungaa

— Akhtar Shahjahanpuri

koi manzar nahin barsaat ke mausam mein bhi
us ki zulfon se phisalti hui dhupon jaisaa

— Akhtar Shahjahanpuri

ranj-o-gham sahne ki aadat ho gai hai
zinda rahne ke saliqe de gayaa vo

— Akhtar Shahjahanpuri

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

intihaa ke qarib hai duniyaa
aadmi aakhiri sadi kaa huun

— Zubair Khayali

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi