bhiiD ke khauf se phir ghar ki taraf lauT aayaa — Aleem Masroor

afsaana mohabbat kaa puuraa ho to kaise ho
kuchh hai dil-e-qaatil tak kuchh hai dil-e-bismil tak

— Aleem Masroor

jaane kyaa mahfil-e-parvaana mein dekhaa us ne
phir zabaan khul na saki shama jo khaamosh hui

— Aleem Masroor

zamaane ko duun kyaa ki daaman mein mere
faqat chand aansu hain vo bhi kisi ke

— Aleem Masroor

uTh ke us bazm se aa jaanaa kuchh aasaan na thaa
ek divaar se niklaa huun jo dar se niklaa

— Aleem Masroor

nikle tiri mahfil se to saath na thaa koi
shaayad miri rusvaai kuchh duur chali hogi

— Aleem Masroor

anjaam-e-kashaakash hogaa kuchh dekhein to tamaashaa divaane
yaa khaak uDegi gardun par yaa farsh pe taare nikleinge

— Aleem Masroor

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

intihaa ke qarib hai duniyaa
aadmi aakhiri sadi kaa huun

— Zubair Khayali