koi aavaaz na aahaT na koi halchal hai — Aleena Itrat

andheri shab kaa ye khvaab-manzar mujhe ujaalon se bhar rahaa hai
to raat itni tavil kar de ki taa-qayaamat sahar na aae

— Aleena Itrat

husn-o-jamaal-o-zist ki aaraaishein fuzul
ishq-o-junun ki aag jo dil mein javaan na ho

— Aleena Itrat

lo hamaaraa javaab le jaao
ye mahaktaa gulaab le jaao

— Aleena Itrat

Thiik hai jaao ta'alluq na rakheinge ham bhi
tum bhi vaada karo ab yaad nahin aaoge

— Aleena Itrat

jin ke mazbut iraade bane pahchaan un ki
manzilein aap hi ho jaati hain aasaan un ki

— Aleena Itrat

dil ke gulshan mein tire pyaar ki khushbu paa kar
rang rukhsaar pe phulon se khilaa karte hain

— Aleena Itrat

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

raat yuun dil mein tiri khoi hui yaad aai
jaise viraane mein chupke se bahaar aa jaae

— Faiz Ahmad Faiz

saudaa hai zamiron kaa har gaam tijaarat hai
chup huun to qayaamat hai bolun to baghaavat hai

— Gulnar Aafreen

tu aag mein ai aurat zinda bhi jali barson
saanche mein har ik gham ke chup-chaap Dhali barson

— Habib Jalib

zabaan khaamosh maathe par shikan aankhon mein afsaane
koi samjhaae kyaa kahte hain is tarz-e-takallum ko

— Iqbal Azeem

bachpan mein ham hi the yaa thaa aur koi
vahshat si hone lagti hai yaadon se

— Abdul Ahad Saaz