Daraavnaa hai bahut hai baDaa ghanaa jangal — Ali Raza Aseer

saanson ko bu-e-zist se kafnaa diyaa gayaa
khaak-e-badan mein ruuh ko dafnaa diyaa gayaa

— Ali Raza Aseer

ik manzil-e-safar bhi to ab tak nahin mili
main shin-e-shaaeri pe nahin huun alif pe huun

— Ali Raza Aseer

parinde dekh kar us shakhs ko par phaDphaDaate hain
jo qaid-e-dil hai zaahir mein magar aazaad lagtaa hai

— Ali Raza Aseer

Tahal rahaa hai ik aansu labon ke paas miraa
bigaaD kuchh nahin sakti hai ab ye pyaas miraa

— Ali Raza Aseer

apni anaa ki aaj bhi taskin ham ne ki
ji bhar ke us ke husn ki tauhin ham ne ki

— Iqbal Sajid

kyon tasavvur mein ji rahaa huun main
jab haqiqat mein mar hi jaanaa hai

— Divyansh Rawat

ghurur bhi jo karun main to aajizi ho jaae
khudi mein lutf vo aae ki be-khudi ho jaae

— Riyaz Khairabadi

jab talak shisha rahaa main baar-haa toDaa gayaa
ban gayaa patthar to sab ne devtaa maanaa mujhe

— Shams Deobandi

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

— Wali Aasi