raaz-e-gham-e-ulfat ko ye duniyaa na samajh le — Ali Zaheer Rizvi Lakhnavi

zaraa parda haTaa do saamne se bijliyaan chamkein
miraa dil jalva-gaah-e-tur ban jaae to achchhaa ho

— Ali Zaheer Rizvi Lakhnavi

nafrat se mohabbat ko sahaare bhi mile hain
tufaan ke daaman mein kinaare bhi mile hain

— Ali Zaheer Rizvi Lakhnavi

hamaari zindagi kyaa hai mohabbat hi mohabbat hai
tumhaaraa bhi yahi dastur ban jaae to achchhaa ho

— Ali Zaheer Rizvi Lakhnavi

vo to thaa aadmi ki tarah 'zahir'
us kaa chehra farishton jaisaa thaa

— Ali Zaheer Rizvi Lakhnavi

miraa khun-e-jigar pur-nur ban jaae to achchhaa ho
tumhaari maang kaa sindur ban jaane to achchhaa ho

— Ali Zaheer Rizvi Lakhnavi

kaan sunte to hain lekin na samajhne ke liye
koi samjhaa bhi to mafhum nayaa maange hai

— Ali Zaheer Rizvi Lakhnavi

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

intihaa ke qarib hai duniyaa
aadmi aakhiri sadi kaa huun

— Zubair Khayali

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq