kisa-e-jaan mein tujhe dene ko ab kuchh bhi nahin — Allama Talib Jauhari

in gali kuchon mein bahnon kaa muhaafiz kaun hai
kasb-e-zar ki dauD mein basti se maan-jaae gae

— Allama Talib Jauhari

pahunchi dilon ki aag hamaare khiyaam tak
lekin dhuaan to jaaegaa darbaar-e-shaam tak

— Allama Talib Jauhari

ek kuein ki gahraai se misr ke takht-e-shaahi tak
dekhne vaali aankh ko kitne naadida baazaar mile

— Allama Talib Jauhari

avval avval 'ilm faqat ik nuqta thaa
aakhir aakhir jehl banaa taavilon se

— Allama Talib Jauhari

bichhDe the to saakit palkein sukhe peD ki shaakhein thiin
us se bichhaD kar duur chale to koson tak sailaab rahaa

— Allama Talib Jauhari

kar rahe hain zindagi mein maa'naviyyat ki talaash
khvaab mein Duubaa huaa taalaab sahraa aur main

— Allama Talib Jauhari

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

abr barse to inaayat us ki
shaakh to sirf duaa karti hai

— Parveen Shakir

sikhaa na duaaon mein qanaaat kaa saliqa
vo maang rahaa huun jo muqaddar mein nahin hai

— Asim Wasti

ba-sad adaa-e-dilbari hai iltijaa-e-mai-kashi
ye hosh ab kise ki mai haraam yaa halaal hai

— Habeeb Ahmad Siddiqui

us dushman-e-vafaa ko duaa de rahaa huun main
meraa na ho sakaa vo kisi kaa to ho gayaa

— Hafeez Banarasi