khud-kushi jaisi koi baat nahin — Alok Mishra

kyuun bataataa nahin koi kuchh bhi
aakhir aisaa bhi kyaa huaa hai mujhe

— Alok Mishra

mujhe pata hai ki rone se kuchh nahin hotaa
nayaa saa dukh hai to thoDaa chhalak gayaa huun main

— Alok Mishra

sab sitaare dilaasa dete hain
chaand raaton ko chikhtaa hai bahut

— Alok Mishra

kyaa zarurat hai mujh ko chehre ki
kaun chehre se jaantaa hai mujhe

— Alok Mishra

main bhi bikhraa huaa huun apnon mein
vo bhi tanhaa saa apne ghar mein hai

— Alok Mishra

ajiib khvaab thaa aankhon mein niind chhoD gayaa
ki niind guzri hai mujh ko zalil karte hue

— Alok Mishra

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

— Allama Iqbal