kitaab ziist mein baab-e-alam bhi ho mahfuz — Amanullah Khalid

un ki tamannaa meri koshish baaham vaade aur qasmein
kuchh meri taqdir ke sadqe baaqi sab haalaat ke naam

vaqt ki tez havaaon ne ajab moD liyaa
phuul se haath jo the un mein bhi patthar nikle

dard aisaa diyaa ehsaas-e-vafaa ne ham ko
na davaa ne hi shifaa di na duaa ne ham ko

jise bhi dekho vahi ajnabi saa lagtaa hai
tumhaare shahr mein koi bhi aashnaa na milaa

main hi thaa ik aankh na bhaaon vo to ab bhi yaar hain tere
jin logon ne teraa charchaa baazaaron mein aam kiyaa

har dar pe ik baang lagaavein bhalaa karo bas bhalaa karo
ek hi shikva ek hi naala subh kiyaa aur shaam kiyaa

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

shor din ko nahin sone detaa
shab ko sannaaTaa jagaa detaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

rok do ye raushni ki tez dhaar
meri miTTi mein gundhi hai raat bhi

rang ho raushni ho yaa khushbu
sab mein partav usi hasin ke hain

vasl ki raat ke sivaa koi shaam
saath le kar sahar nahin aati