vaqaar-e-shauq se gir kar bhi vaar mat karnaa — Ameer Nehtauri

dil ke zakhmon ko sajaane kaa hunar rakhtaa huun
mustaqil main tiri yaadon kaa safar rakhtaa huun

— Ameer Nehtauri

dard ne li angDaai aisi
zakhm kaa ik ik Taankaa TuuTaa

— Ameer Nehtauri

ham apne zakhmon pe rakh lein namak zaruri hai
dayaar-e-ishq mein un ki mahak zaruri hai

— Ameer Nehtauri

hogi na chaaraagar tiri tadbir kaargar
ham ko khud apne zakhmon ki chaahat hai aaj-kal

— Ameer Nehtauri

furqat ki shab khaamoshiyaan zakhmon ki phir angDaaiyaan
aankhein jab apni nam huiin bechaargi achchhi lagi

— Ameer Nehtauri

ruuh se lipTe dard ke manzar
TuuT rahe hain zakhm ke paikar

— Ameer Nehtauri

na tum hosh mein ho na ham hosh mein hain
chalo mai-kade mein vahin baat hogi

— Bashir Badr

kisi ke zakhm par chaahat se paTTi kaun baandhegaa
agar bahnein nahin hongi to raakhi kaun baandhegaa

— Munawwar Rana

sau fasaad ek ishq mein uTThe
boyaa ik tukhm uge hazaar darakht

— Imdad Ali Bahr

khudaa ke haath hai biknaa na biknaa mai kaa ai saaqi
baraabar masjid-e-jaame ke ham ne ab dukaan rakh di

— Riyaz Khairabadi

dil mein rakh zakhm-e-navaa raah mein kaam aaegaa
dasht-e-be-samt mein ik hu kaa maqaam aaegaa

— Zafar Ghauri

dil ki zakhmon ko kiyaa kartaa hai taaza har-dam
phir sitam ye hai ki rone bhi nahin detaa hai

— Zafar Anwar