kisi mis se jo naadaani mein kuchh mistake ho jaae — Ameerul Islam Hashmi

bahut mushkil thaa jin ko DhunDnaa make-up ke malbe se
so andaaze se un kaa baankpan likhnaa paDaa mujh ko

— Ameerul Islam Hashmi

chhoDaa hai jab se parda mardaa gai hai aurat
radd-o-badal hai kyaa kyaa ye arz phir karungaa

— Ameerul Islam Hashmi

zulekhaaein ba-zid thiin ek yusuf ke liye yaaro
baDi hi garmi-e-baazaar thi kal shab jahaan main thaa

— Ameerul Islam Hashmi

miri majburiyon ne naazuki kaa khuun kar Daalaa
har ik gobhi-badan ko gul-badan likhnaa paDaa mujh ko

— Ameerul Islam Hashmi

pata mushkil se chaltaa hai muzakkar aur muannas kaa
kabhi maalum hotaa hai kabhi maalum hoti hai

— Ameerul Islam Hashmi

hamaari umr ab aisi hai ham siiTi nahin sunte
rukaa karte the khush ho kar kabhi siiTi bajaane par

— Ameerul Islam Hashmi

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

abr barse to inaayat us ki
shaakh to sirf duaa karti hai

— Parveen Shakir

sikhaa na duaaon mein qanaaat kaa saliqa
vo maang rahaa huun jo muqaddar mein nahin hai

— Asim Wasti

vahi maayusi kaa aalam vahi naumidi kaa rang
zindagi bhi kisi muflis ki duaa ho jaise

— Akbar Ali Khan Arshi Zadah

du'aa karo ki koi raah vasl ki nikle
tamaam 'umr muhaajir nahin raheinge ham

— Amn Iqbal