tum chaandni ho phuul ho naghma ho sher ho — Andaleeb Shadani

uff vo tufaan-e-shabaab aah vo siina teraa
jise har saans mein dab dab ke ubhartaa dekhaa

— Andaleeb Shadani

jigar mein Tiis lab hansne pe majbur
kuchh aisi hi hamaari zindagi hai

— Andaleeb Shadani

der lagi aane mein tum ko shukr hai phir bhi aae to
aas ne dil kaa saath na chhoDaa vaise ham ghabraae to

— Andaleeb Shadani

dil par choT paDi hai tab to aah labon tak aai hai
yuun hi chhan se bol uThnaa to shishe kaa dastur nahin

— Andaleeb Shadani

jhuuT hai sab taarikh hamesha apne ko dohraati hai
achchhaa meraa khvaab-e-javaani thoDaa saa dohraae to

— Andaleeb Shadani

chaahat ke badle mein ham bech dein apni marzi tak
koi mile to dil kaa gaahak koi hamein apnaae to

— Andaleeb Shadani

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

intihaa ke qarib hai duniyaa
aadmi aakhiri sadi kaa huun

— Zubair Khayali

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi