ham se kaTtaa nahin ghamon kaa pahaaD — Anjali Sahar

ab to ye bhi samajh se baahar hai
kis kaa dukh hai jo vaaqa'i dukh hai

— Anjali Sahar

ham ne is Dar se haath kaaT liye
saanp hote gar aastin hoti

— Anjali Sahar

sharm se Duub marne kaa hai maqaam
tere hote khushi udaas hain ham

— Anjali Sahar

hai in diyon kaa muqaddar bhi beTiyon jaisaa
kahaan banaae gae aur hue kahaan raushan

— Anjali Sahar

koi ummid jab nahin hoti
hoti hai ek khud-kushi ummid

— Anjali Sahar

daaimi dukh nahin hotaa koi
zakhm kaise bhi ho bhar jaate hain

— Anjali Sahar

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq