ab to havaa-e-shahr bhi bilkul tiri tarah — Anjum Farooq

'ishq vaqt-e-digar pe kyon chhoDein
ye tire baa'd ho nahin saktaa

— Anjum Farooq

ab tiraa rasta judaa meraa judaa
dekh qismat kaa likhaa hote hue

— Anjum Farooq

saahabo main ne taraashe nahin patthar ke sanam
mere haathon se banaa aur banaa ek hi shakhs

— Anjum Farooq

jahaan tak ho sake khud ko bachaa badnaam hone se
mohabbat khatm hoti hai mohabbat 'aam hone se

— Anjum Farooq

bahut achchhaa bahut achchhaa bahut achchhaa hai tu lekin
tujhe koi kahe achchhaa mujhe achchhaa nahin lagtaa

— Anjum Farooq

is liye kashkol mein paDti hai bhiik
ham ne hai laaThi se laTkaayaa huaa

— Anjum Farooq

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

kisi se ishq apnaa kyaa chhupaaein
mohabbat Tapki paDti hai nazar se

— Meer Mehdi Majrooh

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

— Raghvendra Dwivedi

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

— Ada Jafarey

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar