tere jaate hi ye huaa mahsus — Anjum Ludhianvi

khushbuein phuuT ke roi hongi
gul havaaon mein jo bikhraa hogaa

— Anjum Ludhianvi

dhuup nikli hai baarishon ke baad
vo abhi ro ke muskuraae hain

— Anjum Ludhianvi

dosti bandagi vafaa-o-khulus
ham ye shama jalaanaa bhuul gae

— Anjum Ludhianvi

niind kyuun TuuT gai aakhir-e-shab
kaun mere liye taDpaa hogaa

— Anjum Ludhianvi

khud-kushi karne mein bhi naakaam rah jaate hain ham
kaun amrit ghol detaa hai hamaare zahr mein

— Anjum Ludhianvi

subh kaa khvaab umr bhar dekhaa
aur phir niind aa gai 'anjum'

— Anjum Ludhianvi

apni anaa ki aaj bhi taskin ham ne ki
ji bhar ke us ke husn ki tauhin ham ne ki

— Iqbal Sajid

kyon tasavvur mein ji rahaa huun main
jab haqiqat mein mar hi jaanaa hai

— Divyansh Rawat

ghurur bhi jo karun main to aajizi ho jaae
khudi mein lutf vo aae ki be-khudi ho jaae

— Riyaz Khairabadi

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

— Wali Aasi

jab talak shisha rahaa main baar-haa toDaa gayaa
ban gayaa patthar to sab ne devtaa maanaa mujhe

— Shams Deobandi

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha