apne haathon se zahr mat diije — Annu Rizvi

main to niklaa thaa charaaghon ko jalaane ke liye
log kam-zarf the daaman ko bachaa kar bhaage

— Annu Rizvi

yahaan gharib ko sab kuchh to de diyaa us ne
zamin bichhaae hai aur aasmaan oDhe hai

— Annu Rizvi

dariyaa chaDhaa to gaanv ke gaanv bahaa gayaa
utraa to kitne shahr ke naqshe banaa gayaa

— Annu Rizvi

kabhi to baaDh aa ke apne saath sab bahaa gai
kabhi kisaan baarishon ki raah dekhtaa rahaa

— Annu Rizvi

us ko ye dil bhuul sakegaa mushkil lagtaa hai
mushkil se to jaa ke kisi se ye dil lagtaa hai

— Annu Rizvi

hamaare us ke darmiyaan ye kaisaa faasla rahaa
use bhi sab khabar rahi hamein bhi sab pataa rahaa

— Annu Rizvi

kam-umri mein sunet hain
mar jaate hain achchhe log

— Malikzada Javed

zindagi ke bahut qarib na jaa
faasla kuchh to apne dhyaan mein rakh

— Akmal Imaam

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz